विलियम, अमेरिका

अक्टोबर २०१६ मा, म न्यू योर्क आएँ, र पछि एउटा चिनियाँ मण्डलीमा प्रभु येशूको नाममा बप्तिस्मा लिएँ र एक इसाई भएँ। तर मण्डलीमा एक वर्षभन्दा बढी समय बिताउँदा पनि, मैले प्रार्थना गर्न र भजन गाउन मात्रै सिकेको थिएँ, तर प्रभुबारे मेरो ज्ञान तथा बाइबलबारे मेरो बुझाइ सतही थियो, जसले मलाई निराश बनायो। त्यसैले, म आफै युट्युबमा प्रायः प्रवचनहरूको खोजी गर्थेँ, तकि मैले परमप्रभुको इच्छा बुझ्न सकुँ।

मार्च २०१८ मा, मैले न्यू योर्कमा केही दाजुभाइ र दिदीबहिनीहरूलाई भेटेँ र मैले उनीहरूसँगको भेला र सङ्गतिबाट कहिल्यै नसिकेको बाइबलको पछाडि रहेको कथा, देहधारण भनेको के हो, मुक्ति भनेको को हो, साँचो ख्रीष्ट र झूटा ख्रीष्टहरूबीचको फरक, परमेश्‍वरको काम र मानिसको कामको बीचको भिन्‍नता, आदि जस्ता धेरै सत्य तथा रहस्यहरूका बारेमा थाहा पाएँ। यसले मेरो आँखा खोल्यो र मैले धेरै कुरा प्राप्त गरेँ। मलाई यी भेलाहरू साँच्चै रमाइलो लाग्यो। एउटा भेलामा, दाजु ब्राइसले बाइबलमा नभएका धेरै वचनहरू पढ्नुभयो। म यसबाट साँच्चै अचम्ममा परेँ र ती वचनहरू कसका हुन् भनेर सोधेँ। उनले यी वचनहरू आखिरी दिनहरूको ख्रीष्ट, सर्वशक्तिमान्‌ परमेश्‍वरका वाणीहरू हुन् भनेर भने। जब मैले “सर्वशक्तिमान्‌ परमेश्‍वर” को नाम सुनेँ, म झस्किएँ। पाष्टर र एल्डरहरूले हामीलाई सर्वशक्तिमान् परमेश्‍वरको मण्डलीका सदस्यहरूसँग कुनै सम्पर्क नराख्नु भनेर बारम्बार चेतावनी दिएका थिए। उनीहरूले यी मण्डलीका मानिसहरू कुनै एक मानिसलाई विश्‍वास गर्छन्, येशू ख्रीष्टलाई गर्दैनन् भनेर भनेका थिए। म अलमलिएँ, यति साह्रै चिन्तित भएँ कि एकछिन पनि धैर्यले बस्न सकिनँ। त्यसपछि ब्राइसले भनेका कुरा मैले बुझ्न छाडेँ, र कुनै बहाना बनाएर म त्यो भेलाबाट निस्किएँ।

जब म घर फर्किएँ, म ओछ्यानमा पल्टिएँ, तर सुत्न सकिनँ, सर्वशक्तिमान् परमेश्‍वरको मण्डलीका सदस्यहरूसँगको भेलाका दृश्यहरू मेरो दिमागमा नाँचिरहे। सङ्गति एकदमै अन्तर्दृष्टिपूर्ण र व्यावहारिक, र मेरो लागि एकदमै लाभदायक थियो। तर सर्वशक्तिमान् परमेश्‍वरको मण्डलीका बारेमा पाष्टर र एल्डरहरूले भनेको शब्दहरू मेरो कानमा गुञ्जिरहे। म दुःखी थिएँ, र कसको कुरा सुन्नु भन्ने मलाई थाहा थिएन। मैले मेरो फोन निकालेँ र मैले सबैभन्दा बढी विश्‍वास गर्ने वेबसाइट विकिपिडिया खोलेँ, यसले सर्वशक्तिमान् परमेश्‍वरको मण्डलीलाई कसरी व्याख्या गर्छ भनेर हेर्नका लागि त्यसो गरेँ। जब मैले यो मण्डली एक जना मानिसले स्थापना गरेको हो, र यो परमेश्‍वरको मण्डलीभन्दा पनि एक मानव संस्था हो, साथै, चिनियाँ कम्युनिस्ट पार्टीले प्रेषित गरेका केही नकारात्मक प्रतिवेदनहरू पढेँ, म एकाएक आत्तिएँ र उनीहरूको सङ्गतिलाई थप सुन्ने चेष्टा गरिनँ। मैले उनीहरूको सबै सम्पर्क विवरण हटाउनै लागेको थिएँ, तर जब मैले ती सम्पर्क विवरण डिलिट गर्नै लागेको थिएँ, तब म उनीहरूको साथमा कसरी पुगे भनेर सम्झिएँ। उनीहरू एक-अर्काप्रति सच्चा, प्रेमिलो र धैर्य थिए, र उनीहरूको चरित्र, उनीहरूले जिएका कुरा, र उनीहरूले कुरा गर्ने तरिका प्रतिको मेरो ठूलो सम्मान थियो। उनीहरूप्रतिको मेरो बुझाइ राम्रो थियो। मैले अनलाइनमा भेटेको जस्तो उनीहरू बिलकुलै थिएनन्। यो कुराले गर्दा म एकछिन रोकिएँ। तर म विकिपिडियामा धेरै नै विश्‍वास गर्थेँ, त्यसैले यसका बारेमा सोचेपछि, मैले सर्वशक्तिमान् परमेश्‍वरको मण्डलीका सबै सम्पर्क विवरणहरू हटाउने निर्णय गरेँ, र सर्वशक्तिमान्‌ परमेश्‍वरका कामका बारेमा मसँगै अनुसन्धान गरिरहेका दाजु पिटरलाई मैले थाहा पाएका सबै कुरा बताएँ। पिटरले प्रभुलाई स्वागत गर्ने कार्य हामी सबैले गम्भीरतापूर्वक लिनुपर्ने कुरा हो भनेर बताउनुभयो, र यस विषयलाई लापरवाही भएर पूर्वाग्रह नराख्न, बरु अझै प्रार्थना गर्न तथा प्रभुको मार्गदर्शन खोज्नका लागि मनाउनुभयो। मेरो मनभित्र धेरै द्वन्द्व चल्यो, “उहाँले भन्नुभएको कुरा उचित थियो। प्रभुको स्वागत गर्ने कुरा हामी सबैले गम्भीरतापूर्वक लिनु पर्ने महत्वपूर्ण विषय हो। यदि सर्वशक्तिमान्‌ परमेश्‍वर नै फर्किनु भएको प्रभु येशू हुनुहुन्छ भने, र मैले यो विषयलाई वास्ता गरिन भने, के मैले प्रभुको स्वागत गर्ने मौका गुमाउँदिन त?” त्यसैले मैले प्रभुलाई प्रार्थना गरे, “प्रभु! म अहिले एकदमै अलमलिएको छु। सर्वशक्तिमान् परमेश्‍वरको मण्डलीका प्रवचनहरू एकदमै ज्ञानवर्द्धक छन् र मैले धेरै कुरा पाएको छु। तर विकिपिडियाले यसलाई परमेश्‍वरको मण्डलीभन्दा पनि एक मानव संस्थाको रूपमा प्रस्तुत गरेको छ। प्रभु! म विवेकशून्य छु। मलाई म पथभ्रष्ट भएँ कि भन्ने डर छ, र म हजुरको मार्गदर्शनको कामना गरिरहेको छु।”

एक दिन, मण्डलीतर्फ जाँदै गर्दा, एकजना दिदीले मलाई एउटा कथा सुनाउनुभयो: “एक जना प्रभुको विश्‍वासीले सङ्कटको समयमा मलाई जोगाउनुहोस् भनी परमेश्‍वरलाई आग्रह गरे, त्यसैले परमेश्‍वरले उसको मुक्तिका लागि तीन वटा मौका उसको लागि व्यवस्था गरिदिनुभयो, तर उसले प्रत्येक मौका गुमायो। उसले भन्यो, ‘होइन। मैले पहिले नै प्रभुलाई प्रार्थना गरेको छु, र प्रभु मलाई बचाउन आउनुहुनेछ।’ उसको मृत्युपछि उसले थाहा पायो कि परमेश्‍वरले उसको लागि यी तीन मौकाहरूको व्यवस्था गरिदिनुभएको थियो, र उसले यी मौकाको फाइदा उठाउन नसकेको कारण उसले आफ्नो जीवन गुमायो।” मण्डलीमा पाष्टरले पनि ठ्याक्कै यही कथा सुनाएको देख्दा म चकित भएँ। म अचम्ममा परेको थिएँ, र सोचेँ, “यो कस्तो अपत्यारिलो! मैले एकै दिनमा दुई जनाबाट एउटै कथा सुनेको थिएँ, जसले मलाई परमेश्‍वरबाट मुक्ति पाउने मौकाको फाइदा उठाउनुपर्छ भनी स्मरण गराउँदै थिए। के प्रभुले मलाई सर्वशक्तिमान्‌ परमेश्‍वरको बारेमा खोजी जारी राख्नू भनेर बताउँदै हुनुहुन्छ?” त्यसैले मैले पूर्वीय ज्योतिको बारेमा खोजी गर्ने कार्यलाई निरन्तरता दिने निर्णय लिएँ।

म ब्राइसको सम्पर्कमा आएँ र ममा भएको अन्योलका बारेमा बताएँ। मैले भने, “तपाईंको सङ्गतिमा सत्यता छ र यसमा पवित्र आत्माको कार्य छ भनेर मलाई थाहा छ। यो मेरो लागि वास्तवमै उपयोगी छ। तर मैले विकिपिडियामा सर्वशक्तिमान् परमेश्‍वरको मण्डली झाओ भर भएका मानिसले सुरु गरेको, र यो परमेश्‍वरको मण्डलीभन्दा पनि मानव संस्था हो भनेर पढेँ। इन्टरनेटमा यसबारे चिनियाँ कम्युनिस्ट पार्टीका धेरै नकारात्मक प्रतिवेदनहरू पनि छन् त्यसैले यसले मेरो मनमा केही आशङ्का उत्पन्न गरायो र म यो विषयमा तपाईंसँग कुरा गर्न चाहन्छु।” ब्राइसले उत्तर दिनुभयो, “साँचो मार्गको बारेमा खोजी गर्दा, हामी अविश्‍वसनीय वेबसाइट, केही समूह, राजनीतिक दल वा अन्य मानिसहरूले के भन्छन् सो कुरामा निर्भर रहन सक्दैनौं। हामीले यो मार्गमा सत्यता छ छैन, यो परमेश्‍वरको कार्य हो होइन भनेर हेर्नुपर्छ। यो सबैभन्दा आधारभूत, महत्वपूर्ण सिद्धान्त यही हो। जब प्रभु येशू काम गर्न आउनुभयो, फरिसीहरूले उहाँको बारेमा सबै प्रकारका हल्लाहरू चलाए र ईशनिन्दा गर्ने कैयौँ कुराहरू बोले, र उहाँलाई पवित्र आत्माले जन्म दिनुभएको होइन, उहाँका वचनहरू निन्दाले भरिएका छन्, र प्रभु येशूले दियाबलसहरूको राजालाई प्रयोग गरेर दुष्टात्माहरू धपाउनुहुन्छ भने। तिनीहरूले उहाँ बौरिनुभएको होइनसमेत भने, र यस्तै अन्य कुराहरू बोले। धेरै यहूदीहरूले मुख्य पूजाहारीहरू, शास्त्री र फरिसीहरूको कुरा सुने र प्रभुलाई पछ्याउने हिम्मत गर्न सकेनन्। तर पत्रुस, यूहन्‍ना र अरूले उहाँले प्रचार गर्नुभएको मार्ग, उहाँका आश्‍चर्यकर्महरू तथा उहाँको कार्य सबै परमेश्‍वरबाट आएको हो र उहाँसँग परमेश्‍वरको अख्तियार र शक्ति छ भन्‍ने देखे त्यसैले उनीहरूले प्रभु येशूलाई पछ्याए र उहाँको मुक्ति प्राप्त गरे। यी सबै कुराहरूले के देखाउँछ भने सत्य मार्ग खोजी गर्दा गर्नुपर्ने मुख्य कुरा भनेको यसमा सत्यता र पवित्र आत्मको कार्य छ वा छैन भनेर हेर्नु हो। यो नै एकमात्र सिद्धान्त हो।” त्यसपछि, ब्राइसले सर्वशक्तिमान्‌ परमेश्‍वरको वचनको एक अनुच्छेद पढ्नुभयो। सर्वशक्तिमान् परमेश्‍वर भन्नुहुन्छ: “साँचो मार्ग खोज्ने सबैभन्दा आधारभूत सिद्धान्त के हो? यस मार्गमा पवित्र आत्माको कार्य छ कि छैन, यी शब्दहरू सत्यताका अभिव्यक्ति हुन्‌ कि होइनन्‌, कसको गवाही दिइँदै छ, र यसले तेरा लागि के ल्याउँछ भनी तैँले हेर्नुपर्छ। साँचो मार्ग र झूटो मार्गबीचको भिन्नता छुट्ट्याउनको लागि आधारभूत ज्ञानका धेरै पक्षहरू चाहिन्छ, जसको सबैभन्दा आधारभूत पक्ष भनेको त्यसमा पवित्र आत्माको कार्य उपस्थित छ कि छैन भनी बताउनु हो। किनकि परमेश्‍वरमाथिको मानिसहरूको विश्‍वासको सार भनेको परमेश्‍वरका आत्मामाथिको विश्‍वास हो, र जब देहधारी परमेश्‍वरमा विश्‍वास गर्छन्, त्यो पनि देह परमेश्‍वरको आत्माको मुर्तरूप भएकोले नै हो, जसको अर्थ यो हो कि यस्तो विश्‍वास भनेको अझै आत्मामाथिको विश्‍वास हो। आत्मा र देहबीचमा भिन्नता छ, तर यस देह आत्माबाट आएको हुनाले, र वचन देह हुन आएकोले, मानिसले जे विश्‍वास गरेपनि त्यो परमेश्‍वरको अन्तर्निहित सार नै हो। त्यसैले, यो साँचो मार्ग हो कि होइन भनेर छुट्ट्याउँदा, सबैभन्दा मुख्य कुरा तैँले यसमा पवित्र आत्माको कार्य छ कि छैन भन्‍ने कुरा हेर्नुपर्छ, त्यसपछि तैँले यस मार्गमा सत्यता छ कि छैन हेर्नुपर्छ” (वचन, खण्ड १। परमेश्‍वरको देखापराइ र काम। परमेश्‍वर र उहाँको कार्यलाई चिन्नेहरूले मात्र परमेश्‍वरलाई सन्तुष्ट पार्न सक्छन्‌)। ब्राइसले आफ्नो सङ्गति अघि बढाउनुभयो, “आखिरी दिनहरूमा, सर्वशक्तिमान्‌ परमेश्‍वरले परमेश्‍वरको घरबाट सुरु गरी न्यायको कामको गर्नुहुनेछ। उहाँले सबै सत्यतालाई व्यक्त गर्नुहुन्छ जसले मानवजातिलाई शुद्ध गर्नेछ र मुक्ति दिनेछ, जस्तै परमेश्‍वरको व्यवस्थापन कार्यको लक्ष्य, व्यवस्था, अनुग्रह तथा राज्यको युगहरूपछाडि रहेका कथा, र यी कार्यहरूबाट के हासिल भए, परमेश्‍वरको देहधारण तथा नामका रहस्यहरू, तथा अन्य कुराहरू। सर्वशक्तिमान्‌ परमेश्‍वरले मानिसहरूको शैतानी प्रकृति तथा परमेश्‍वरको अवज्ञामा रहेको तिनीहरूको भ्रष्टताको सत्यता, र संसारको दुष्टता तथा अन्धकारको जडको न्याय र खुलासा गर्नुहुन्छ। शैतानले मानवजातिलाई कसरी भ्रष्ट बनाउँछ र परमेश्‍वरले मानवजातिलाई कसरी मुक्ति दिनुहुन्छ भनेर उहाँले बताउनुहुन्छ। साथै, उहाँले हामीलाई भ्रष्टता हटाउने तथा परमेश्‍वरको मुक्ति प्राप्त गर्ने मार्ग पनि दिनुहुन्छ, र प्रत्येक प्रकारको व्यक्तिका लागि परिणाम प्रकट गर्नुहुन्छ। उहाँले व्यक्त गर्ने सत्यता तथा उहाँको न्यायको कार्यले प्रभु येशूको भविष्यवाणीलाई पूर्ण रूपमा पूर्ति गर्दछ: ‘मैले तिमीहरूलाई भन्‍नुपर्ने कुराहरू धेरै छन्, तर अहिले तिमीहरूले ती सहन सक्‍दैनौ। तर, जब उहाँ, अर्थात् सत्यताका आत्मा आउनुहुन्छ, उहाँले तिमीहरूलाई सारा सत्यतामा अगुवाइ गर्नुहुनेछ’ (यूहन्‍ना १६:१२-१३)। यसले १ पत्रुस पुस्तकको यो अगमवाणी पनि पूरा गर्छ: ‘किनभने परमेश्‍वरको घरानाबाट न्याय सुरू हुने समय आएको छ’ (१ पत्रुस ४:१७)। परमेश्‍वर देखा पर्ने घटना र कार्यको तृष्णा गर्ने धेरै साँचो विश्‍वासीहरूले सर्वशक्तिमान्‌ परमेश्‍वरका वचनहरू सत्यता र परमेश्‍वरको आवाज हुन् भन्‍ने देखेका छन्। सर्वशक्तिमान्‌ परमेश्‍वर नै फर्कनुभएका प्रभु येशू हुनुहुन्छ भन्‍ने तिनीहरूले निर्धारण गरेका छन् र परमेश्‍वरको सामुन्ने आएका छन्। परमेश्‍वरबाट आउने सबै कुराहरू वृद्धि भएर जान्छन्। केवल २० वर्षको समयमा सर्वशक्तिमान्‌ परमेश्‍वरको राज्यको सुसमाचार चीनभरि फैलिसकेको छ र अहिले विश्‍वभरि पुग्दैछ। यो परमेश्‍वरको पृथक शक्ति र अख्तियार हो र पवित्र आत्मको कार्यको फल हो। यो परमेश्‍वरको बुद्धि तथा सर्वशक्तिमान्‌ताको अभिव्यक्ति हो। यी तथ्यहरूले ले प्रमाणित गर्छन् भने सर्वशक्तिमान्‌ परमेश्‍वर नै फर्कनुभएका प्रभु येशू हुनुहुन्छ, र उहाँको कार्य नै साँचो मार्ग तथा आखिरी दिनहरूको परमेश्‍वरको देखापराइ र काम हो।”

ब्राइसको सङ्गति सुनेपछि, मलाई परमेश्‍वरबाट आएको कुरा मात्रै झन्झन् मौलाउँदै जान्छ भन्‍ने महसुस भयो। सर्वशक्तिमान्‌ परमेश्‍वरका वचनहरू वास्तवमै सत्य हुन् र ती वचनहरूले धेरै रहस्य तथा सत्यहरू प्रकट गर्छन्। परमेश्‍वरबाहेक अरू कसले सत्य व्यक्त गर्न सक्छ? साँचो मार्गको मेरो खोजीका लागि यदि मैले सर्वशक्तिमान्‌ परमेश्‍वरका सत्यहरू नपढेर, केही वेबसाइटमा लेखिएका र चिनियाँ कम्युनिस्ट पार्टीले फिँजाएका झूटहरूमा अन्धो भएर विश्‍वास गरेको भए, त्यो असाधारण मूर्खता हुनेथियो। ब्राइसले मलाई घरमा लाल-शिक्षा नामक चलचित्र हेर्न आग्रह गर्नुभयो। मुख्य पात्रको बुबाले नगर संयुक्त मोर्चा कार्य विभागको नेतृत्व गर्छन् र उनले भनेका कुरा मैले विकिपिडियामा पढेको कुरा जस्तै थिए। उनी भन्छन् यो मण्डली झाओ थर भएको व्यक्तिले स्थापना गरेका हुन्, र यसका सदस्यहरूले झाओलाई पवित्र आत्माले प्रयोग गरेको मान्छे भनेर भन्छन्, र उनीहरू सधैँ उनका प्रवचनहरू सुन्छन्, त्यसको अर्थ यो मानव संस्था हो, र परमेश्‍वरको मण्डली होइन। यस कुरालाई उत्तर दिँदै मुख्य पात्रले भन्छन्: “इसाई धर्म कसले सुरुवात गर्‍यो? क्याथोलिकवाद कसले प्रतिपादन गर्‍यो? के पावल वा पत्रुस प्रतिपादक हुन सक्छन्? यहूदी धर्म कसले सुरु गर्‍यो? के त्यो मोशा हुन सक्छ? के यी सबै कुराहरू निरर्थक होइनन्? नास्तिक चिनियाँ कम्युनिस्ट पार्टीले परमेश्‍वर हुनुहुन्छ भनेर कहिल्यै स्विकारेको छैन, परमेश्‍वर देहधारी हुनुभएको कुरा स्विकार्नु त झन् परै जाओस्। देहधारी ख्रीष्टले जतिसुकै सत्य व्यक्त गर्नुभए पनि, उहाँको कार्य जतिसुकै महान् भए पनि, वा उहाँको मुक्ति जतिसुकै महान् भए पनि, नकार्न, लुकाउन, र निन्दा गर्नको लागि उनीहरूले गर्नसक्ने सबै नै गर्छन्। उनीहरूको विचारमा त इसाई र क्याथोलिक धर्म पनि मानवले नै सुरु गरेको हो, र यो बिलकुलै हास्यास्पद कुरा हो। यदि प्रभु येशू देखा नपर्नुभएको भए र उहाँले काम नगर्नुभएको भए, प्रभुको कोही विश्‍वासी वा अनुयायी हुँदैनथिए र इसाई धर्मको अस्तित्व हुने अवस्था नै रहँदैन थियो। यो तथ्य हो। प्रेरितहरू जतिसुकै वरदानप्राप्त भए तापनि, उनीहरूले मण्डलीको स्थापना कसरी गर्न सके? मानिसहरूले प्रेरितहरूको नेतृत्व र रेखदेखलाई स्वीकारे भन्ने बित्तिकै के यसको अर्थ इसाई धर्म मानिसले सुरु गरेको हो भन्ने हुन्छ? सर्वशक्तिमान् परमेश्‍वरको मण्डली सर्वशक्तिमान्‌ परमेश्‍वर देखा पर्नुभएकोले र कार्यको कारणले मात्रै स्थापना भएको हो। सर्वशक्तिमान्‌ परमेश्‍वरले यति धेरै सत्यता व्यक्त गर्नुहुन्छ, र यो परमेश्‍वरको आवाज हो भनेर मानिसहरू परमेश्‍वरको सामुन्ने आउने हुनाले मात्रै, मण्डली स्थापना भएको हो। सर्वशक्तिमान्‌ परमेश्‍वरले आफ्‍नो कार्य सुरु गर्नुभएपछि, उहाँले पवित्र आत्माले प्रयोग गरेको मानिसलाई मण्डलीको अगुवाको रूपमा साक्षी दिनुभयो। उहाँ व्यवस्थाको युगको मोशा वा अनुग्रहको युगका प्रेरितहरू जस्तो हुनुहुन्छ। परमेश्‍वरले छान्नुभएको मानिसहरूलाई पानी दिन, रेखदेख गर्न, र नेतृत्व गर्नको लागि परमेश्‍वरले उहाँलाई प्रयोग गर्नुहुन्छ। उहाँले मानवको कर्तव्य निर्वाह गर्दैहुनुहुन्छ। परमेश्‍वरले चुन्नुभएका मानिसहरू सर्वशक्तिमान्‌ परमेश्‍वरको नाममा प्रार्थना गर्छन् र भेलाहरूमा सर्वशक्तिमान्‌ परमेश्‍वरका वचनहरू पढ्छन् र सङ्गति गर्छन्। परमेश्‍वरले चुन्नुभएको मानिसहरूले यो व्यक्तिको नेतृत्वलाई सर्वशक्तिमान्‌ परमेश्‍वरको वचनअनुसार स्वीकार गर्छन् र समर्पित हुन्छन्। चिनियाँ कम्युनिस्ट पार्टीले निर्लज्ज भएर झूट बोल्छ, हाम्रो विश्‍वास त मान्छे माथिको विश्‍वास हो भनेर भन्छ। उनीहरूले सर्वशक्तिमान्‌ परमेश्‍वर देखा पर्नुभएको घटना र कार्यलाई मान्दैनन्, र उहाँले व्यक्त गर्ने सबै सत्यलाई नकार्छन्। उनीहरूको अभिप्रायहरू गुप्त छन्। यदि सर्वशक्तिमान्‌ परमेश्‍वर देखा पर्नुभएको घटना र कार्य नभएको भए, सर्वशक्तिमान् परमेश्‍वरको मण्डलीको अस्तित्व हुँदैनथ्यो। यो अकाट्य तथ्य हो।” मुख्य पात्र सही हो भन्‍ने मलाई लाग्यो। परमेश्‍वर देखा पर्नुभएको घटना र उहाँको कामकै कारण यो मण्डलीको स्थापना भयो, तर परमेश्‍वरले यो मण्डलीको नेतृत्व गर्न कसैलाई प्रयोग गर्नुहुन्छ भन्दैमा, चिनियाँ कम्युनिस्ट पार्टीले यो मण्डलीको स्थापना नै मानवबाट भएको हो भनेर भन्छ। यो हास्यास्पद कुरा हो। सर्वशक्तिमान् परमेश्‍वरको मण्डलीमा भएका इसाइहरूले सर्वशक्तिमान्‌ परमेश्‍वरलाई विश्‍वास गर्छन् भनेर चिनियाँ कम्युनिस्ट पार्टीलाई थाहा छ, त्यसो भए उनीहरूले यो व्यक्तिले सुरु गरेको मानव संस्था हो भनेर किन भन्छन्? म यो विषयमा अर्मलिरहेको थिएँ, त्यसपछि मुख्य पात्रले भने, “चिनियाँ कम्युनिस्ट पार्टीको सरकारले मण्डलीलाई किन मानव संस्था भन्छ? उनीहरूले देहमा रहनुभएको परमेश्‍वरका बारेमा किन कुरा गर्दैनन्? उनीहरूले कहिले पनि किन वचन देहमा देखा पर्नुहुन्छ भनेर उल्लेख गर्दैनन्? चिनियाँ कम्युनिस्ट पार्टी सर्वशक्तिमान्‌ परमेश्‍वरले व्यक्त गर्नुहुने सत्यताहरूप्रति नै सबैभन्दा बढी डराउँछ, किनभने सर्वशक्तिमान्‌ परमेश्‍वरका सबै विश्‍वासीहरूले वचन देहमा देखा पर्नुहुन्छ भन्‍ने पुस्तक पढेर उहाँलाई स्वीकार गरिसकेका छन् भन्‍ने उनीहरूलाई थाहा छ। त्यसैले, सर्वशक्तिमान्‌ परमेश्‍वर, आखिरी दिनहरूका ख्रीष्ट प्रकट भइसक्‍नुभएको छ र उहाँले काम गर्दै हुनुहुन्छ भन्‍ने सत्यलाई लुकाउनको लागि उनीहरूले सर्वशक्तिमान् परमेश्‍वरको मण्डली मानवले स्थापना गरेको हो भनेर मानिसहरूको ध्यान मोड्ने प्रयास गर्छन्। यसो गर्नुपछाडिको तिनीहरूको साँचो लक्ष्य परमेश्‍वरलाई पछ्याउनबाट मानिसहरूलाई रोक्‍नु हो। परमेश्‍वरको मण्डलीलाई दबाउन तिनीहरूले बनाएको यो एउटा बहाना हो।” त्यसपछि मात्रै मलाई महसुस भयो कि सर्वशक्तिमान् परमेश्‍वरको मण्डली मानव संस्था हो भन्ने चिनियाँ कम्युनिस्ट पार्टीको दाबी तथ्यहरूलाई जानी-जानी बिगार्ने कार्य र सर्वशक्तिमान् परमेश्‍वरको मण्डलीलाई दबाउने र सतावट गर्ने बहाना रहेछ। साथै, मानिसहरूलाई भड्काउन, तिनीहरूलाई विश्‍वास गर्न र परमेश्‍वरलाई पछ्याउनबाट रोक्नका लागि तिनीहरूले त्यसो भन्छन्। चिनियाँ कम्युनिस्ट पार्टीको दुष्ट उद्देश्य यही हो।

उक्त भिडियो हेरेपछि, ब्राइसले यसो भन्दै सङ्गति गर्नुभयो, “चिनियाँ कम्युनिस्ट पार्टीले गरेको यी हल्लाहरूलाई फैल्याउने कार्य र सर्वशक्तिमान् परमेश्‍वरको मण्डलीको निन्दालाई सत्यलाई घृणा गर्ने र परमेश्‍वरको विरोध गर्ने पार्टीको राक्षसी प्रकृतिबाट अलग गर्न सकिँदैन। हामी सबैलाई थाहा छ, चिनियाँ कम्युनिस्ट पार्टी नास्तिक हो र यसले मार्क्सवाद-लेनिनवादमा विश्‍वास गर्छ। यसले सत्य तथा परमेश्‍वरको देखापराइ तथा कार्यलाई सबैभन्दा बढी घृणा गर्दछ, र सन् १९४९ मा यसको स्थापना भएसँगै, यसले धार्मिक विश्‍वासलाई अन्धाधुन्ध दबाएको तथा सताएको छ। यसले घर मण्डलीहरूलाई दृष्ट सम्प्रदाय भनेर निन्दा गरेको छ, र बाइबलका असङ्ख्य प्रतिहरू जलाएको तथा नाश गरेको छ। यसले असङ्ख्य इसाई र क्याथोलिकहरूलाई पक्राउ गरेको, सताएको तथा कैद गरेको छ। सि जिङ्गपिङ्ग सत्तामा आएपछि त धार्मिक सतावट झनै क्रूर बन्दै गएको छ। थ्री-सेल्फ चर्चहरूलाई बन्द गरिएको र भत्काइएको छ, र असङ्ख्य क्रूसहरू भाँचिएका छन्। धार्मिक विश्‍वासलाई पूर्ण रूपमा हटाउन चिनियाँ कम्युनिस्ट पार्टी बाइबल र कुरानको पुनर्लेखन गर्ने योजनामा समेत छ। आखिरी दिनहरूका ख्रीष्ट, सर्वशक्तिमान्‌ परमेश्‍वर चीनमा देखा पर्नुभएकोले चिनियाँ कम्युनिस्ट पार्टीले सिकार गरेझैँ उहाँलाई विभिन्न स्थानमा खोजी गरिरहेको छ, इसाईहरूलाई अन्धाधुन्ध पक्राउ र सतावट गरिरहेको छ। धेरै मानिसहरूलाई जेल चलान गरिएको छ र अपाङ्ग भइञ्‍जेल वा नमरिञ्‍जेलसम्म यातना दिइएको छ, र दश लाखभन्दा बढी मानिसहरूलाई आफ्नो घर छोडेर भाग्न बाध्य पारिएको छ। अफवाहलाई थप फैलाउन र सर्वशक्तिमान् परमेश्‍वरको मण्डलीलाई फसाउन र कलङ्क लगाउनका लागि दुःख बढाउन चिनियाँ कम्युनिस्ट पार्टीले सञ्चार माध्यमको प्रयोग गर्दछ। यो चीन र विश्‍वका मानिसहरूलाई भड्काउन तथा भ्रममा पार्नको लागि हो त्यसैले उनीहरूले मण्डलीलाई पनि विरोध र निन्दा गर्छन्। यो आखिरी दिनहरूको परमेश्‍वरको कार्यलाई हटाउने प्रयास हो। यी तथ्यबाट हामीले के देख्न सक्छौं भने चिनियाँ कम्युनिस्ट पार्टी परमेश्‍वरको विरोध गर्ने र मानिसहरूलाई भ्रममा पार्ने र हानी गर्ने राक्षस हो। यो प्रकाशको पुस्तकको जङ्गली जनावर, ठूलो रातो अजिङ्गर हो। यसले बाइबलका यी भविष्यवाणीहरूलाई पूर्ण रूपमा पूरा गर्छ: ‘अनि ठूलो अजिङ्गरलाई बाहिर फालियो, त्यस दियाबलस र शैतान भनिने त्यो प्राचीन सर्पलाई, जसले सारा संसारलाई छल्छ’ (प्रकाश १२:९)। ‘अनि त्यसले परमेश्‍वरको विरुद्धमा ईश्‍वरनिन्दा गर्न, उहाँको नामको, उहाँको पवित्र वासस्थान र स्वर्गमा बास गर्नेहरूको निन्दा गर्न आफ्नो मुख खोल्यो’ (प्रकाश १३:६)। साँचो मार्ग र परमेश्‍वर देखापराइ र कामको खोजी गर्ने क्रममा, चिनियाँ कम्युनिस्ट पार्टीको झूट सुन्नु त मूर्खता हो! र केही मानिसहरूले साँचो मार्गको खोजी गर्ने क्रममा विकिपिडियामा लेखेको कुरा पढ्छन्, यो वेबसाइटलाई विश्‍वास गर्छु भन्छन्, र उनीहरूले विकिपिडियाले साँचो मार्ग हो भनेको कुरा मात्रै साँचो मार्ग हो भनेर विश्‍वास गर्छन्। साँचो मार्ग हो वा होइन भनेर निर्धारण गर्नका लागि उनीहरूले विकिपिडियाको प्रयोग गर्छन्। के यो सत्यता अनुरूप छ त? के विकिपिडियामा सत्य कुरा नै हुन्छ त? यो त अविश्‍वासीहरूको वेबसाइट हो। उनीहरूले सामग्रीहरू जम्मा गर्छन् र सबै कुरा अविश्‍वासीहरूको दृष्टिकोणबाट लेख्छन्। सबै अविश्‍वासीहरू शैतानबाट नराम्ररी भ्रष्ट भएका हुन्छन्, र तिनीहरूले परमेश्‍वरलाई धोका दिएका छन्। उनीहरू विश्‍वासी मानिसहरू होइनन्। उनीहरू भीडकै पछि लाग्छन् र झूटपछि झूट बोल्दै जान्छन्। उनीहरूले चिनियाँ कम्युनिस्ट पार्टीले बोलेका कुराहरू मात्रै सुगा रटाई रट्छन्। मण्डलीकै अन्तर्वार्ता किन नलिने? यसका बारेमा निष्पक्ष तथा वस्तुगत रूपमा किन रिपोर्ट नगर्ने? सर्वशक्तिमान् परमेश्‍वरका वचनहरूले यत्ति धेरै सत्यताहरू व्यक्त गरेका छन् र तिनले धार्मिक संसार, र संसार आफैलाई समेत हल्लाएका छन्। किन तिनीहरूले यस तथ्यबारे रिपोर्ट गर्दैनन्? परमेश्‍वरको कामको बारेमा सर्वशक्तिमान् परमेश्‍वरको मण्डलीका सदस्यहरूको सबै प्रकारको गवाहीहरू केही समयदेखि अनलाइनमै उपलब्ध छन्। यसको विषयमा किन कुनै चर्चा हुँदैन? चिनियाँ कम्युनिस्ट पार्टीको सरकारले मण्डलीलाई क्रूरताको साथ सताइरहेको छ र यसका विषयमा मानव अधिकारसम्बन्धी अन्तर्राष्ट्रिय संस्थाहरूको वेबसाइटमा उल्लेख गरिएको छ। यसको बारेमा उनीहरू किन उल्लेख गर्दैनन्? किन तिनीहरू चिनियाँ कम्युनिस्ट पार्टीको सरकार र धार्मिक संसारले सर्वशक्तिमान् परमेश्‍वरको मण्डलीका विषयमा फैलाएका हल्ला र बदनामीका कुराहरू मात्र प्रकाशित गर्छन्? के तिनीहरूले नियतवश सत्य लुकाइरहेका र शैतानी सरकारी झूटलाई मात्र प्रचार गरिरहेका छैनन् र? यसले कुन कुरालाई जोड दिन्छ? ती सबै नै शैतानले मानिसहरूलाई पथभ्रष्ट गर्न प्रयोग गर्ने प्रोपागाण्डाका साधन हुन् भन्‍ने कुरालाई जोड दिन्छ। यदि हामीले साँचो मार्गको खोजी गर्दा विकिपिडियालाई विश्‍वास गर्‍यौं, यदि हामीले त्यसको झूटलाई विश्‍वास गर्‍यौं भने, के त्यो मूर्खता हुँदैन र? धेरै मानिसहरूले साँचो मार्गको अनुसन्धान गर्ने क्रममा यही गल्ती गरेका छन्। उनीहरूले कुनै कुरालाई सरकार तथा धार्मिक संसारले साँचो मार्ग होइन भनेर निन्दा गरेको देखे भने, त्यसमा विश्‍वास गर्नै छोड्छन्। के उनीहरू वास्तविक विश्‍वासीहरू हुन् र? परमेश्‍वरका वचनहरूको खोजी नगर्नु वा आफ्नो खोजीमा परमेश्‍वरको आवाजलाई नसुन्नु, तर शैतानका शब्दहरूमा विश्‍वास गर्नु, र चिनियाँ कम्युनिस्ट पार्टीको धार्मिक पाष्टरहरूमा विश्‍वास गर्नुको अर्थ उनीहरूले शैतानको विश्‍वास गर्छन् र शैतानलाई पछ्याउँछन्, उनीहरू पथभ्रष्ट भएका छन् र पशुको जालमा परेका छन्, र उनीहरूले पशुको छाप लगाएका छन् भन्ने हुन्छ।”

ब्राइसको सङ्गतिप्रति म पूर्ण विश्‍वस्त भएँ। मैले विकिपिडियालाई सबै कुरा समेट्ने सबैभन्दा ठूलो इन्साइक्लोपेडिया भनेर सम्झेको थिएँ। मैले त्यसलाई वास्तवमै विश्‍वास गरेको थिएँ, तर मैले त्यति बेला पो थाहा पाएँ यो त अविश्‍वासीहरूको वेबसाइट पो रहेछ। यसमा कुनै सत्यता समावेश छैन, न यसबारे परमेश्‍वरले गवाही नै दिनुभएको छ। यो त शैतानको सेवा गर्ने साधन हो। चिनियाँ कम्युनिस्ट पार्टीले जेसुकै झूट विचार जारी गरे पनि, विकिपिडियाले यीनै भ्रमहरूलाई दोहोर्‍याउँछ। यसलाई कसरी विश्‍वास गर्न सकिन्छ र? साँचो मार्गबारे मेरो अनुसन्धान परमेश्‍वरका वचनहरूमा आधारित हुनुपर्थ्यो। मैले यो मार्गमा सत्यता छ कि छैन, यो कुरा परमेश्‍वरबाट व्यक्त भएको हो कि होइन, र त्यसमा पवित्र आत्माको कार्य छ कि छैन भनेर हेर्नुपर्थ्यो, किनभने परमेश्‍वर मात्र सत्य, मार्ग र जीवन हुनुहुन्छ, र परमेश्‍वरले मात्र सत्य व्यक्त गर्न र हामीलाई पाप त्याग्‍ने र पूर्ण रूफमा मुक्ति प्राप्त गर्ने मार्ग देखाउन सक्नुहुन्छ। तर मैले सर्वशक्तिमान्‌ परमेश्‍वको वचन सत्य हो र यो परमेश्‍वरबाट आएको हो भनेर देखेको भए पनि, म अझै पनि चिनियाँ कम्युनिस्ट पार्टीको हल्‍ला तथा तथाकथित आधिकारिक वेबसाइटमा भएका शब्दहरूबाट नियन्त्रित थिएँ, र सर्वशक्तिमान्‌ परमेश्‍वरको कामको बारेमा अनुसन्धान गर्ने चेष्टा गरिन। म एकदमै अन्योलमा थिएँ। तर मेरा दाजुभाइ र दिदीबहिनीहरूले मलाई निरन्तर मदत गर्दै सत्यता सङ्गति गरेकाले, म छलमा परिनँ। अन्यथा, प्रभुको पुनरागमनलाई स्वागत गर्ने मेरो मौका मैले गुमाउनेथिएँ।

त्यसपछि ब्राइसले आफ्नो सङ्गतिलाई अगाडि बढाउनुभयो: “यी सबै नै साँचो मार्गको खोजी गर्ने मानिसहरूलाई पथभ्रष्ट बनाउन र रोक्‍नलाई चिनियाँ कम्युनिस्ट पार्टीले प्रयोग गर्ने झूट भएकाले, यस्ता छलहरूको अस्तित्वलाई परमेश्‍वरले किन अनुमति दिनुहुन्छ? यस अनुमतिको पछाडि परमेश्‍वरको असल अभिप्राय तथा बुद्धि छ। यो कुरालाई हामी सर्वशक्तिमान् परमेश्‍वरले भन्‍नुभएका कुराहहरूलाई हेरेपछि बुझ्र्छौँ: ‘मेरो योजनामा, शैतानले अहिलेसम्म नै पाइलैपिच्छे पछ्याउँदै आएको छ र यसले मेरो बुद्धिको प्रतिभारको रूपमा, मेरो मौलिक योजनालाई अवरोध गर्ने तरिका र माध्यमहरू पत्ता लगाउने कोसिस गर्दै आएको छ। तर के म त्यसका छली युक्तिहरूमा फस्‍न सकुँला र? स्वर्ग र पृथ्वीका यावत् थोकले मेरो सेवा गर्ने वस्तुका रूपमा कार्य गर्छन्; के शैतानका छली युक्तिहरू फरक हुन सक्लान्‌ र? ठीक यहीँनेर नै मेरो बुद्धिले प्रतिच्‍छेदन गर्छ; मेरा कार्यहरूको अद्भुतता ठीक यही नै हो, र मेरो सम्पूर्ण व्यवस्थापन योजनाको सञ्‍चालन सिद्धान्त नै यही हो। राज्य निर्माणको युगमा, अझै पनि म शैतानको छली युक्तिहरूलाई पन्छाउँदिन, बरु मैले गर्नैपर्ने कार्यलाई जारी राख्छु। ब्रह्माण्ड र यावत् थोकहरूको माझमा, मैले शैतानका कार्यहरूलाई मेरो प्रतिभारका रूपमा छानेको छु। के यो मेरो बुद्धिको प्रदर्शन होइन र? मेरो कार्यका बारेमा रहेको अद्भुतता ठीक यही नै होइन र?’ (वचन, खण्ड १। परमेश्‍वरको देखापराइ र काम। सम्पूर्ण ब्रह्माण्डको लागि परमेश्‍वरका वचनहरू, अध्याय ८)। परमेश्‍वरका वचनहरूले हामीलाई के देखाउँछन् भने, उहाँको कार्यमा, उहाँ शैतानका योजनाहरूबाट टाढा जानुहुन्‍न बरु यस्ता योजनाहरूलाई हरप्रकारको मानिसको परिणाम निर्धारण गर्नेहेतु सेवा प्रदान गर्न प्रयोग गर्नुहुन्छ। राज्यको युगमा परमेश्‍वरले गर्नुहुने कार्य मानवजातिलाई मुक्ति दिने उहाँको कार्यको आखिरी चरण हो। परमेश्‍वरले मानिसहरूलाई न्याय गर्न र धुन सत्यता व्यक्त गर्नुहुन्छ, र साथमा उनीहरूलाई उनीहरूको प्रकारअनुसार छुट्याउनुहुन्‍छ, र अन्त्यमा असललाई इनाम र दुष्टलाई सजाय दिनुहुनेछ, र सम्पूर्ण युगको कार्यलाई समापन गर्नुहुनेछ। परमेश्‍वरमा निष्ठावान् भएर विश्‍वास गर्ने तथा सत्यतालाई प्रेम गर्नेहरूलाई उहाँले विजेता बनाउनुहुनेछ र उहाँको राज्यमा ल्याउनुहुनेछ। उहाँले आफ्नो पेटभरि रोटी मात्रै खाने अविश्‍वासीहरूका साथै सबै दुष्ट मानिसहरू तथा परमेश्‍वरलाई विरोध गर्ने ख्रीष्टविरोधीहरूको खुलासा तथा निष्कासन गर्नुहुनेछ। चिनियाँ कम्युनिस्ट पार्टीद्वारा फेलाइएका यी झूटहरू परमेश्‍वरले उहाँको कार्य प्राप्त गर्ने सेवामा प्रयोग गर्ने साधनहरू हुन्। साँचो र झूटा विश्‍वासीहरू, गहुँ र सामाहरू, र भेडा र बाख्राहरू सबैलाई झूटको यो आँधीमा खुलासा गरिनेछ। आखिरी दिनहरूको परमेश्‍वरको कार्यलाई स्वीकार गर्ने सबैले उत्तीर्ण गर्नैपर्ने परीक्षा यही हो। प्रभु येशूले भन्नुभयो: ‘मेरा भेडाले मेरो सोर सुन्छन्, र म तिनीहरूलाई चिन्छु र तिनीहरूले मलाई पछ्याउँछन् … न त कुनै मानिसले तिनीहरूलाई मेरो हातबाट खोसेर लान सक्नेछ’ (यूहन्‍ना १०:२७-२८)। परमेश्‍वरका भेडाहरूले उहाँको आवाज सुन्छन्, र सत्यलाई प्रेम गर्ने साँचो विश्‍वासीहरूले चिनियाँ कम्युनिस्ट पार्टी वा धार्मिक संसारले के भन्छ वा मिडिया वा वेबसाइटमा के लेखिएको छ भनेर वास्ता गर्दैनन्। उनीहरूले त केवल यो सत्यता हो कि होइन, यो परमेश्‍वरको आवाज हो कि होइन भनेर मात्र हेर्छन्। सर्वशक्तिमान्‌ परमेश्‍वरका वचनहरू परमेश्‍वरको आवाज हो भनेर सुनिश्चित गरेपछि, उनीहरूले कुनै पनि व्यक्ति, कुरा वा घटनाले अवरोध पुर्‍याउन नसक्ने गरी उहाँलाई पछ्याउँछन्। उनीहरूले परमेश्‍वरलाई पछ्याउने सङ्कल्प गर्छन्। उनीहरू बुद्धिमती कन्याहरू हुन्। सत्यलाई प्रेम नगर्ने तथा आफ्नो भागको रोटी मात्रै खान खोज्ने अविश्‍वासीहरूले सत्यको खोजी गर्दैनन्, तर शैतानको झूटलाई अन्धो भएर स्वीकार गर्छन्, र चिनियाँ कम्युनिस्ट पार्टी र धार्मिक संसारको पक्षमा समेत लागेर झूट फैलाउँछन्, र आखिरी दिनहरूको परमेश्‍वरको कार्यलाई उन्मत्त रूपमा आलोचना र निन्दा गर्छन्। उनीहरू सामा, दुष्ट दास, र ख्रीष्ट विरोधीहरू हुन् भनेर प्रकट हुन्छन्। उनीहरूलाई हटाइनेछ र दण्ड दिइनेछ, र तिनीहरूलाई निष्कासित गरिनेछ, र तिनीहरूले विपतमा रुँदै र दाह्रा किट्दै बस्‍नुपर्नेछ। चिनियाँ कम्युनिस्ट पार्टी र धार्मिक संसारका झूटहरूले गहुँ र सामा, भेडा र बाख्रा, असर र दुष्ट दासहरूको खुलासा गर्नेछ। अन्त्यमा, मानिसहरूले परमेश्‍वरको आखिरी दिनहरूको कार्यलाई कसरी लिन्छन्, उनीहरूले के गरेका छन् त्यसको आधारमा परमेश्‍वरले मानिसहरूको परिणाम निर्धारण गर्नुहुनेछ। शैतानको झूट र योजनाहरूले स्पष्ट रूपमा परमेश्‍वरको कार्यको लागि सेवा गरिरहेका छन्।”

त्यो अत्यन्तै खतरनाक थियो! यी हल्ला तथा झूटहरूले मलाई झन्डै राज्यको ढोकाबाहिर थुनिदिए। यो कुराले मलाई तर्सायो। समझबिना र सत्यता खोजी नगरी विश्‍वास गर्नुमा साँचो जोखिम छ। अब मलाई थाहा भयो, साँचो मार्गको खोजी गर्ने मुख्य कुञ्जी भनेको परमेश्‍वरको आवाज सुन्नु र यो सत्य हो कि होइन र यो परमेश्‍वरको काम हो कि होइन भनी हेर्नु नै रहेछ। हामी चिनियाँ कम्युनिस्ट पार्टीका राक्षसहरूको झूटलाई कदापि विश्‍वास गर्न सक्दैनौं र पाष्टर, एल्डर, तथा वेबसाइटहरू समेतले के भन्छन् सो विषयमा हामीसँग समझशक्ति हुनुपर्दछ। उनीहरूले भनेका कुराहरूलाई अन्धो भएर हामीले विश्‍वास गर्नु हुँदैन, नत्र हामी कुनै पनि क्षणमा शैतानको जालमा फसेर प्रभुलाई स्वागत गर्ने र हामीलाई स्वर्गमा उठाइलगिने मौका गुमाउन सक्‍छौँ। हल्‍लाको जालोबाट उम्किनु र प्रभुको पुनरागमनको स्वागत गर्नु मेरो लागि परमेश्‍वरको कृपा र मुक्ति थियो। सर्वशक्तिमान्‌ परमेश्‍वरलाई धन्यवाद!