आखिरी दिनहरूका चिन्‍हहरू: २०२१ मा महा-रक्ताम्मे चन्द्रमा फेरि देखा पर्ने

12 मे 2021

सम्पादकको नोट: हालैका वर्षहरूमा, आकाशीय घटना “रक्ताम्मे चन्द्रमा” बारम्‍बार देखा परेको छ। महामारी, भूकम्प, र अनिकालजस्ता विभिन्‍न विपत्तिहरू झन्-झन् खराब हुँदै गइरहेका छन्। आखिरी दिनहरूका बारेमा बाइबलले गरेका भविष्यवाणीहरू पहिले नै पूरा भइसकेका छन्, र यहोवाको महान् र भयानक दिन नजिकै छ। अब हामीमाथि ठूला-ठूला विपत्तिहरू आइपरेका छन्, त्यसकारण हामीले प्रभुको पुनरागमनको स्वागत कसरी गर्नुपर्छ? यो लेखमा यसको उत्तर छ।

आखिरी दिनहरूका चिन्‍हहरू: २०२१ मा महा-रक्ताम्मे चन्द्रमा फेरि देखा पर्ने

सम्‍बन्धित विशेषज्ञहरूले अनुमान गरे अनुसार, मेइ २६, २०२१ मा आकाशमा एउटा दुर्लभ घटना घट्नेछ: चन्द्रमामा पूर्ण रूपमा ग्रहण लाग्दा, महा-रक्ताम्मे चन्‍द्रमा, यो वर्षकै सबैभन्दा ठूलो रक्ताम्मे चन्द्रमा देखा पर्नेछ। सम्‍बन्धित जानकारीले के उल्‍लेख गर्छ भने, “महा-चन्द्रमा” भन्‍ने शब्‍दले पूर्णिमाको चन्द्रमा पृथ्वीको सबैभन्दा नजिक, अर्थात् भू-समीपमा हुनुलाई जनाउँछ, जुन बेला चन्द्रमाको देखिने व्यास सामान्यभन्दा १४% बढी हुन्छ र यसको चमक ३०% वृद्धि हुन्छ—यो आँखाले देख्‍न सक्‍ने सबैभन्दा ठूलो, सबैभन्दा गोलो चन्द्रमा-आकृति हो। यस वर्षको मेइ २६ को दिन, पूर्ण ग्रहण भएको बेला रक्ताम्मे चन्‍द्रमा देखा पर्नेछ, त्यसकारण यसलाई महा-रक्ताम्मे चन्‍द्रमा पनि भनिन्छ, जुन खगोलीय क्षेत्रमा बिरलै देखा पर्छ। वास्तवमा, रक्ताम्मे चन्‍द्रमा र महा-चन्द्रमा जस्ता अचम्‍मका दृश्यहरू हालैका वर्षहरूमा निरन्तर देखा परिरहेका छन्, उदाहरणको लागि २०११ र २०१३मा देखा परेका रक्ताम्मे चन्‍द्रमा, २०१४ र २०१५ को अवधिमा श्रृंखलावद्ध रूपमा देखा परेका चार रक्ताम्मे चन्‍द्रमा, २०१८ को महा-निल चन्द्रमा, जुन १५२ वर्ष पहिले पनि देखा परेको थियो, र २०१९ को २१ जनवरीमा देखा परेको महा-रक्ताम्मे ब्‍वाँसो चन्द्रमा, जसले महा-चन्द्रमा, रक्ताम्मे चन्‍द्रमा र ब्‍वाँसो चन्द्रमाका तीन खगोलीय दृश्यहरूलाई पूर्ण रूपमा समावेश गरेको थियो, र यसलाई सबैभन्दा अचम्‍मको खगोलीय घटनाको रूपमा लिइएको थियो।

धेरै अगमवक्ताहरूले रक्ताम्मे चन्द्रमाहरू देखा परेका घटनाहरूले आउनेवाला असाधारण र महान् घटनाहरूको सङ्केत गर्छन् भनेर भविष्यवाणी गरेका छन्। रक्ताम्मे चन्‍द्रमा देखा पर्ने घटनाहरू योएलको पुस्तक २:२९-३१ को अगमवाणीको पूर्णता हुन् भनेर विश्‍वास गर्ने धेरै बाइबल विद्वानहरू पनि छन्: “अनि ती दिनहरूमा म सेवकहरू र सेविकाहरू दुवैमा मेरो आत्मा खन्याउनेछु। अनि म स्वर्ग र पृथ्वीमा उदेकका कामहरू गर्नेछु, अर्थात् रगत अनि आगो र धुँवाको खम्बाहरू। यहोवाको महान् र भयानक दिन आउनुभन्दा अगाडि सूर्य अन्धकारमा परिणत हुनेछ र चन्द्रमा रगतमा परिणत हुनेछ” साथै, प्रकाश ६:१२ मा यो उल्‍लेख गरिएको छ: “अनि उहाँले छैटौँ मोहर खोल्‍नुभएको मैले देखेँ र धेरै ठूलो भुईँचालो गयो; अनि सूर्य कपालले बनेको भाङ्ग्राजस्तो कालो भयो र चन्द्रमा रगतजस्तो रातो भयो” “महान् र भयानक दिन” योएलको पुस्तकको अगमवाणीमा ठूला-ठूला विपत्तिहरूका बारेमा उल्‍लेख गरिएको छ। हामीले विगत केही वर्षमा व्यापक रूपमा विपत्तिहरू वृद्धि भइरहेको देखेका छौं, अनि भूकम्प, अनिकाल, महामारी र बाढी-पहिरो जस्ता विपत्तिहरू यसरी बारम्‍बार देखा पर्दा हामी देख्‍नेहरूलाई यसले अत्यन्तै भयभीत बनाउँछ; संसारको अवस्था आतङ्कमा छ र यो निरन्तर परिवर्तन भइरहेको छ, बारम्‍बार युद्धहरू, हिंसात्‍मक घटना र आतङ्ककारी आक्रमणहरू देखा परिरहेका छन् र यसको अवस्था झन्-झन् खराब हुँदै गइरहेको छ; संसारको जलवायु झन्-झन् तातिँदैछ, र जुनसुकै बेला चरम मौसम र सबै किसिमका अचम्‍म-अचम्‍मका खगोलीय घटनाहरू घटिरहेका छन्। बाइबलमा भविष्यवाणी गरिएका चिन्‍हहरू एक-एक गरी देखा परेका छन्, र ठूला-ठूला विपत्तिहरू आएका छन्। त्यसकारण, हामीले कसरी प्रभुलाई स्वागत गर्न र उहाँको मुक्ति प्राप्त गर्न सक्छौं? प्रभु येशूले भन्नुभयो, “मेरो भेडाले मेरो सोर सुन्छ, र म तिनीहरूलाई चिन्छु र तिनीहरूले मलाई पछ्याउँछन्” (यूहन्‍ना १०:२७)। “मैले तिमीहरूलाई भन्‍नुपर्ने कुराहरू धेरै छन्, तर अहिले तिमीहरूले ती सहन सक्‍दैनौ। तैपनि, जब उहाँ, अर्थात् सत्यका आत्मा आउनुहुन्छ, उहाँले तिमीहरूलाई सारा सत्यतामा अगुवाइ गर्नुहुनेछ” (यूहन्‍ना १६:१२-१३)। प्रकाशको पुस्तकको अध्याय २ र ३ मा विभिन्‍न ठाउँमा यो भविष्यवाणी गरिएको छ: “आत्माले मण्डलीहरूलाई के भन्‍नुहुन्छ सो, कान हुनेले सुनोस्।” यी अगमवाणीहरूबाट, हामी के देख्छौं भने परमेश्‍वरले मानिसहरूलाई शुद्ध पार्न र मुक्ति दिनको लागि आखिरी दिनहरूमा वचनहरू बोल्‍नुहुनेछ र नयाँ चरणको काम गर्नुहुनेछ, र मानिसहरूलाई परमेश्‍वरको राज्यमा ल्याउनुहुनेछ। परमेश्‍वरको आवाजलाई सुनेर, अनि देखा पर्नुभएको परमेश्‍वर र आखिरी दिनहरूको कार्यको तृष्णा र खोजी गरेर मात्रै हामीले प्रभु येशूको पुनरागमनलाई स्वागत गर्न, परमेश्‍वरद्वारा मुक्ति पाउने र सिद्ध पारिने अवसर पाउन, र परमेश्‍वरसँगको सुन्दर गन्तव्यमा प्रवेश गर्न सक्छौं। अन्यथा, हामीले परमेश्‍वरको मुक्ति गुमाउनेछौं, हामी आखिरी दिनहरूका ठूला-ठूला विपत्तिहरूमा पर्नेछौं, र हटाइनेछौं र दण्डित हुनेछौं। त्यसको बारेमा परमेश्‍वरले यसो भन्‍नुहुन्छ:

सबै किसिमका प्रकोपहरू एकपछि अर्को गरी आइपर्नेछन्; सबै राष्‍ट्रहरू र ठाउँहरूले विपत्तिहरू अनुभव गर्नेछन्: विपत्ति, अनिकाल, बाढी, खडेरी, र भूकम्प सबैतिर हुनेछन्। यी प्रकोपहरू एक वा दुई ठाउँहरूमा मात्र घट्नेछैनन्, न त यो एक वा दुई दिनमा सकिनेछन्; बरु, यी प्रकोपहरू अझ ठूला ठूला ठाउँहरूमा फैलिनेछन्, र अझ बढी कठोर हुँदै जानेछन्। यस समयावधिमा, सबै किसिमका किटजन्य विपत्तिहरू एकपछि अर्को गरी बढ्दै जानेछन्, नरभक्षी घटना जताततै हुनेछ। सबै राष्‍ट्रहरू र मानिसहरूमाथि यो मेरो न्याय हो।

— वचन देहमा देखा पर्नुहुन्छको, प्रारम्‍भमा ख्रीष्‍टका वाणीहरूको “अध्याय ६५” बाट उद्धृत गरिएको

संसारको व्यापक फैलावटमा अनगिन्ती परिवर्तनहरू भएका छन्, महासागरहरू भरिएर मैदानमा परिणत हुँदैछन्, जमिनहरू बगेर महासागरहरूमा परिवर्तन भइरहेका छन् र यो क्रम जारी नै रहन्छ। ब्रम्‍हाण्डमा भएका सबै थोकमाथि शासन गर्नुहुने बाहेक अरू कोही पनि मानवजातिलाई अगुवाइ गर्न र मार्गनिर्देशित गर्न सक्षम छैन। मानवजातिको निम्ति काम गर्ने वा तयारी गर्न सक्ने शक्तिशाली व्यक्ति कोही पनि छैन, मानवजातिलाई ज्योतिको गन्तव्यतिर अगुवाइ गर्ने र संसारका अन्यायहरूबाट मुक्त गर्न सक्‍ने व्यक्ति अझै कम छन्। मानवजातिको भविष्यप्रति परमेश्‍वर विलाप गर्नुहुन्छ, उहाँ मानिसको पतनप्रति शोक गर्नुहुन्छ, अनि मानिस फर्कन नसक्‍ने विनाशको मार्गतिर क्रमिक रूपमा लागिरहेको कुराले उहाँलाई पीडा दिन्छ। मानवजातिले परमेश्‍वरको हृदयलाई छियाछिया बनाएको छ र दुष्‍टलाई खोज्नको लागि उहाँलाई त्यागेको छः के मानवजाति यस्तो मार्गमा लागेको हुन सक्छ भन्ने कुराप्रति कसैले कहिल्यै विचार गरेको छ? यसैकारणले गर्दा कसैले पनि परमेश्‍वरको क्रोध थाहा गर्दैन, कसैले परमेश्‍वरको मार्गलाई खोज्दैन वा परमेश्‍वरको नजिक जाने कोसिस गर्दैन, अझ भन्नुपर्दा, किन कसैले पनि परमेश्‍वरको शोक र पीडालाई बुझ्न खोज्दैन। परमेश्‍वरको आवाज सुनेपछि पनि परमेश्‍वरको अनुग्रह र वास्ताबाट तर्केर उहाँको सत्यतालाई त्यागेर मानिस आफ्नै मार्गमा हिँडिरहन्छ र परमेश्‍वरको शत्रु शैतानको हातमा आफूलाई बेच्न रुचाउँछ। के मानिस आफ्नो जिद्दीमा लागिरहनुपर्छ, अनि परमेश्‍वरलाई फर्केर नहेरिकन नै उहाँलाई छोड्ने मानवजातिप्रति परमेश्‍वरले कसरी काम गर्नुहुन्छ भन्‍ने कुरालाई कसैले विचार गरेको छ? परमेश्‍वरले यस अघि कहिल्यै नभएको विपत्ति उहाँको बाहुलीले तयार पार्नुभएको हुनाले उहाँले पटक-पटक याद दिलाउनुभएको र अर्ती दिनुभएको कसैले जान्दैनन्, जुन विपत्ति मानव देह र प्राणको निम्ति असह्‍य हुनेछ। यो विपत्ति देहको निम्ति मात्र दण्ड होइन, तर प्राणको निम्ति पनि हो। तैँले यो कुरा थाहा पाउनुपर्छ: जब परमेश्‍वरको योजना विफल हुन्छ र उहाँका याद दिलाउने कुराहरू र अर्तीहरूले कुनै जवाफ पाउँदैन, तब उहाँले कस्तो क्रोध पोखाउनुहुन्छ होला? यो कुनै पनि सृष्‍टि गरिएका प्राणीहरूले कहिल्यै नभोगेका र नसुनेका किसिमको हुनेछ। त्यसैले म भन्छु, यो विपत्ति पहिले कहिल्यै आएको थिएन र फेरि कहिल्यै आउने छैन। मानवजातिलाई सृष्‍टि गर्ने परमेश्‍वरको योजना यो एक पटकको लागि मात्रै हो र मानवजातिलाई मुक्ति दिने पनि यो एक पटकको लागि मात्रै हो। यो पहिलो पटक पनि र अन्तिम पनि हो। यसकारण, परमेश्‍वरले मानवजातिलाई मुक्ति दिन यस पटक गर्नुहुने कडा परिश्रम र जोशपूर्ण अपेक्षालाई कसैले बुझ्दैन।

— वचन देहमा देखा पर्नुहुन्छको परमेश्‍वर मानिसको जीवनको स्रोत हुनुहुन्छ बाट उद्धृत गरिएको

परमेश्‍वरको काम शक्तिशाली छालजस्तै माथितिर बढ्छ। कसैले पनि उहाँलाई थुन्‍न सक्दैन, र उहाँको दौडलाई कसैले पनि रोक्‍न सक्दैन। उहाँका वचनहरूलाई ध्यानसँग सुन्‍नेहरू, र उहाँलाई खोज्ने र तिर्खाउनेहरूले मात्र उहाँका पाइलाहरू पछ्याउँछन् र उहाँको प्रतिज्ञा प्राप्‍त गर्छन्। जसले गर्दैनन् तिनीहरूले ठूलो विपत्ति भोग्‍नेछन् र तिनीहरूले पाउन लायकको दण्ड पाउनेछन्।

— वचन देहमा देखा पर्नुहुन्छको परमेश्‍वरले सबै मानवजातिको भविष्यमाथि नेतृत्व गर्नुहुन्छ बाट उद्धृत गरिएको

तपाईं र तपाईंको परिवार बाँच्ने बारेमा एउटा ठूलो कुरा: के तपाईं ठूला विपत्तिहरूमा कसरी सुरक्षा प्राप्त गर्ने र बच्ने भनेर सोच्नुहुन्छ? तलको बटनमा क्लिक गर्नुहोस् र तपाईंले बाटो पाउनुहुनेछ।

सम्बन्धित विषयवस्तु

इसाईहरूले जान्न आवश्यक पर्दछ: मानवजातिले परमेश्‍वरको देहधारणको लिङ्गलाई सीमांकन गर्न सक्दैन

परमेश्‍वर आत्मा हुनुहुन्छ, त्यसोभए के उहाँसित लिङ्गको भिन्नता छ? के यो सत्य हो कि परमेश्‍वर केवल पुरूषको रूपमा मात्र देहधारण हुन सक्नुहुन्छ तर स्त्रीको रूपमा देहधारण हुन सक्नुहुन्न? अब यो लेख पढ्नुहोस् र त्यसपछि तपाईले सत्य बुझ्नुहुनेछ।

ईसाईहरू बिरामी पर्दा परमेश्‍वरमाथि भरोसा राख्न पछ्याउन सक्ने ४ मुख्य मार्गहरू

के तपाईं बिरामीको कारण चिन्ता र असहज हुनुहुन्छ? एक इसाईले बिरामी पर्दा कसरी परमेश्‍वरको इच्छा अनुरूप अभ्यास गर्नुपर्छ? यो लेखले तपाईंलाई मार्ग देखाउँनेछ, त्यसैले यसलाई हामी एकसाथ पढौं।

महामारी आएको छ: परमेश्‍वरको सुरक्षा पाउन इसाईले के गर्नुपर्छ?

आजभोली, महामारी विश्‍वभरि फैलिएको छ। संसारभरि करोडौँ मानिसहरू मरिरहेका छन् र हाम्रो बीचमा ठूला-ठूला विपत्तिहरू आइरहेका छन् भन्‍ने अनुभूति...

बाइबलका अन्त-समयका चिन्हहरू देखा परेको छ: हामी कसरी प्रभुको पुनरागमनलाई स्वागत गर्न सक्छौं?

अहिले नै अन्त्यका दिनहरू हुन्। प्रकोपहरू संसारभर लगातार भइरहने घटनाहरू हुन्, र प्रभुको आगमनको भविष्यवाणी पूरा भएको छ; विभिन्न चिन्ह र लक्षणहरूले संकेत गर्दछन् कि प्रभु फर्कनुभएको छ, त्यसोभए उहाँ किन बादलमा फर्कनुभएको छैन? अनि हामी कसरी उहाँको आगमनलाई स्वागत गर्न सक्छौं? यो पाठले तपाईंलाई कसरी गर्ने भनी बताउनेछ।

हामीलाई Messenger मा सम्पर्क गर्नुहोस्