१

हे परमेश्‍वर! तपाईँको प्रेम मेरो हृदयमा लुकेको छ,

त्यसले मलाई मधुर रूपमा तपाईँको नजिक हुनतिर डोऱ्याउँछ।

तपाईँका अभिप्रायलाई ख्याल गर्दा, मेरो हृदय झन् मधुर हुन्छ।

म आफ्नो सम्पूर्ण हृदय र मनले तपाईँको सेवा गर्छु।

तपाईँका वचनले मेरो हृदयलाई अगुवाइ गर्छन्

र मेरा प्रेमिला पाइलाले तपाईँलाई नजिकबाट पछ्याउँछन्।

म तपाईँका अभिप्रायअनुरूप कार्य गर्नेछु,

तपाईँका अभिप्रायहरू पूरा गर्दा मेरो हृदय प्रसन्न हुन्छ।

अब म अर्कै क्षेत्रमा जिउँछु, केवल तपाईँ र म साथमा।

तपाईँ मलाई प्रेम गर्नुहुन्छ, म तपाईँलाई प्रेम गर्छु,

हामीबीच कुनै अवरोध वा दूरी छैन,

कुनै शोक वा चिन्ता छैन, पीडाको कुनै सम्झना छैन।

२

म तपाईँलाई निष्कपट रूपमा प्रेम गर्छु, हामीबीच कुनै दूरी छैन;

तपाईँको र मेरो हृदय दुवै सहज छन्।

म तपाईँँका अभिप्रायहरू बुझ्छु र पूर्णतः तपाईँमा समर्पित हुन्छु,

म फेरि कहिल्यै अलिकति पनि विद्रोह नगर्ने कामना गर्छु।

म तपाईँसामु अझ बढी जिउनेछु,

र तपाईँबाट कहिल्यै अलग हुनेछैन।

म तपाईँका वचनहरूबारे चुपचाप मनन गर्छु,

म तपाईँसँग जे छ र तपाईँ जे हुनुहुन्छ, त्यसलाई कदर गर्छु।

तपाईँका वचनले मेरो भ्रष्टता पखाल्छन्,

र तिनले मेरो हृदय भरेका छन्।

ओह, सर्वशक्तिमान् परमेश्‍वर, म तपाईँलाई प्रेम गर्छु।

तपाईँका वचन मेरो जीवन बनेका छन्।

म तपाईँद्वारा मुक्ति दिइएकोमा निकै भाग्यमानी छु,

र म सदैव तपाईँलाई प्रेम गर्नेछु र तपाईँको गवाही दिनेछु।

हल्लेलूयाह! हल्लेलूयाह! हल्लेलूयाह! परमेश्‍वरको प्रशंसा होस्।

—थुमालाई पछ्याउनुहोस् र नयाँ गीतहरू गाउनुहोस्