१

हामी परमेश्‍वरका घरमा सँगै भेला हुन्छौँ,

र सिंहासनबाट बग्ने जीवनको नदीको पानीको आनन्द लिन्छौँ।

हामी परमेश्‍वरका वचनहरू पढ्छौँ र सत्यता सङ्गति गर्छौँ;

हामी चिन्तन गर्छौँ, विचार गर्छौँ, र परमेश्‍वरबाट खोजी गर्छौँ।

हामी परमेश्‍वरका वचनहरू अभ्यास र अनुभव गर्छौँ,

सत्यता बुझ्दा त्यसले हाम्रो हृदयलाई मिठास दिलाउँछ।

हाम्रो जीवन स्वभाव परिवर्तन भएको छ,

र हामी परमेश्‍वरको प्रेम निकै वास्तविक भएको अनुभव गर्छौँ।

मण्डली जीवन सम्पन्न र विविधतापूर्ण छ,

र परमेश्‍वरको प्रशंसा गर्ने धेरै तरिकाहरू छन्।

हामी सर्वशक्तिमान् परमेश्‍वरको प्रशंसामा नगाई र ननाची बस्न सक्दैनौँ।

कुनै प्रावधान छैनन् र हामी बाँधिएका छैनौँ;

निष्कपट रूपमा परमेश्‍वरको प्रशंसा गर्दा हामी हर्षित हुन्छौँ।

परमेश्‍वरको उपस्थितिमा जिउँदा साँचो खुसी मिल्छ,

र हामी परमेश्‍वरलाई प्रेम गर्ने हृदयले परमेश्‍वरको प्रशंसा गर्छौँ।

२

हामी परमेश्‍वरका वचनहरू खान र पिउन सँगसँगै भेला हुन्छौँ;

हामी पवित्र आत्माको काम प्राप्त भएकोमा साँच्चै आनन्द लिन्छौँ।

हामी सत्यतामा सङ्गति गर्छौँ र गवाहीहरू बाँड्छौँ;

हरेक दिन हाम्रो जीवनको प्रगति हुन्छ।

हामी एक-अर्कालाई प्रेम गर्छौँ र सामञ्जस्यपूर्ण सहकार्य गर्छौँ;

हामी एकै हृदय र मनले आफ्ना कर्तव्य निर्वाह गर्छौँ,

हामी सत्यता अभ्यास गर्छौँ र इमानदार मानिसहरू बन्न खोज्छौँ।

हामी परमेश्‍वरको आशिष् र अगुवाइ देख्छौँ।

परमेश्‍वरको न्याय अनुभव गरेर हामी पखालिन्छौँ,

र परमेश्‍वरको स्वभाव निकै धर्मी छ भन्ने देख्छौँ।

हामी आफ्नो भ्रष्टतालाई फाल्छौँ र नयाँ मानिस बन्छौँ,

हामी साँचो मानव रूपमा जिउँछौँ र परमेश्‍वरलाई महिमित तुल्याउँछौँ।

हामी परमेश्‍वरलाई आफ्ना हृदयले र इमानदारीपूर्वक आराधना गर्छौँ;

राज्यको जीवन निकै आशिषित हुन्छ।

परमेश्‍वरले दिनुहुने मुक्ति निकै महान् छ भनी देख्दा,

हामी परमेश्‍वरलाई प्रेम गर्ने हृदयले परमेश्‍वरको प्रशंसा गर्छौँ।

३

हामीले पूरै बाटो परमेश्‍वरलाई पछ्याएका छौँ

र हामीले धेरै कठिनाइहरू अनुभव गरेका छौँ।

सिसिपीले हामीलाई जङ्गली रूपमा दमन गर्छ र सताउँछ,

म शैतान अर्थात् ठूलो रातो अजिङ्गरलाई पूर्ण रूपमा घृणा गर्छु।

ख्रीष्टले ज्यादै अपमान र पीडा सहनुहुन्छ,

र उहाँ सङ्कष्टमा हामीसँगै रहनुहुन्छ।

परमेश्‍वरलाई प्रेम गर्ने हाम्रो हृदय डगमगाउँदैन;

यो पूर्ण रूपमा परमेश्‍वरका वचनहरूको मार्गदर्शनको कारण हो।

परमेश्‍वरले हाम्रो मुक्तिका लागि

अर्पण गर्नुभएको रगत-पसिनालाई साँच्चै मापन गर्न सकिँदैन।

परमेश्‍वर हामीसँगै जिउनुहुन्छ,

उहाँले हामीलाई आजको दिनसम्म सधैँ मार्गदर्शन गर्दै आउनुभएको छ।

यो सुन्दर समय, यो सुन्दर जीवन, निकै अविस्मरणीय छन्।

हामी सधैँ परमेश्‍वरलाई प्रेम गर्नेछौँ र उहाँमा समर्पित हुनेछौँ,

र हामी परमेश्‍वरलाई प्रेम गर्ने हृदयले परमेश्‍वरको प्रशंसा गर्छौँ।

—थुमालाई पछ्याउनुहोस् र नयाँ गीतहरू गाउनुहोस्