Nepali Christian Song | परमेश्वरको डर मान्ने र दुष्टताबाट अलग बस्ने आवश्यक मार्ग
17 जनवरी 2026
१
“परमेश्वरको डर मान्नु” को अर्थ अवर्णनीय त्रास र भय होइन, न त पन्छिनु हो, न त टाढा बस्नु हो, न त यो देवत्वकरण वा अन्धविश्वास नै हो। बरु, यो त सराहना, आदर, भरोसा, बुझाइ, ख्याल, समर्पणता, अर्पण, प्रेम, साथै निसर्त र गुनासोविनाको आराधना, प्रत्युपकार र आत्मसमर्पण हो। परमेश्वरबारे वास्तविक ज्ञानविना, मानिसहरूसँग वास्तविक सराहना, वास्तविक भरोसा, वास्तविक बुझाइ, वास्तविक ख्याल वा समर्पणता हुनेछैन, बरु केवल त्रास र बेचैनी, शङ्का, गलत बुझाइ, पन्छाइ र टाढा बस्नु मात्र हुनेछ;
२
परमेश्वरबारे वास्तविक ज्ञानविना, मानिसहरूसँग वास्तविक अर्पण र प्रत्युपकार हुनेछैन, मानिसहरूसँग वास्तविक आराधना र आत्मसमर्पण हुनेछैन, अन्धो-देवत्वकरण र अन्धविश्वास मात्र हुनेछ; परमेश्वरबारे वास्तविक ज्ञानविना, मानिसहरूले परमेश्वरको मार्ग पछ्याउने, वा परमेश्वरको डर मान्ने, वा दुष्टताबाट अलग बस्ने सम्भावना हुँदैन। यसको विपरीत, मानिसहरू सहभागी हुने हरेक क्रियाकलाप र व्यवहार परमेश्वरविरुद्धको विद्रोह र प्रतिरोधले भरिएको हुनेछ, उहाँका बदनामी र आलोचनाले भरिएको हुनेछ, र सत्यता र परमेश्वरका वचनको साँचो अर्थ विपरीतका दुष्ट कार्यहरूले भरिएको हुनेछ।
३
मानिसहरूमा परमेश्वरप्रति साँचो भरोसा भएपछि, तिनीहरू उहाँलाई साँच्चै पछ्याउनेछन् र उहाँमा निर्भर हुनेछन्; परमेश्वरमा वास्तविक भरोसाका साथ मात्र मानिसहरूले उहाँलाई साँच्चै चिन्न र बुझ्न सक्छन्; परमेश्वरको वास्तविक बुझाइसँगै उहाँप्रतिको वास्तविक ख्याल आउँछ; उहाँप्रतिको वास्तविक ख्यालका साथ मात्र मानिससँग साँचो समर्पणता हुन सक्छ; उहाँप्रतिको वास्तविक समर्पणताका साथ मात्र मानिसमा साँचो अर्पण हुन सक्छ; उहाँप्रतिको वास्तविक अर्पणका साथ मात्र मानिसमा निसर्त र गुनासोविनाको प्रत्युपकार हुन सक्छ;
४
साँचो भरोसा, साँचो बुझाइ र ख्याल, साँचो समर्पणता, साँचो अर्पण र प्रत्युपकारका साथ मात्र, मानिसहरू परमेश्वरको स्वभाव र सार, अनि सृष्टिकर्ताको पहिचान साँच्चै चिन्न पुग्न सक्छन्; तिनीहरूले जब सृष्टिकर्तालाई साँच्चिकै चिन्न पुगेका हुन्छन्, तब मात्र तिनीहरूभित्र वास्तविक आराधना र आत्मसमर्पण जाग्न सक्छ; तिनीहरूसँग सृष्टिकर्ताप्रति साँचो आराधना र आत्मसमर्पण हुँदा मात्र, तिनीहरू दुष्ट कार्यहरूबाट साँच्चिकै उम्किन सक्षम हुनेछन्—अर्थात्, दुष्टताबाट अलग बस्न सक्नेछन्।
—वचन, खण्ड २। परमेश्वरलाई चिन्ने विषयमा। प्रस्तावना
तपाई र तपाईको परिवारलाई अति आवश्यक छ भनेर आह्वान गर्दै: पीडा बिना सुन्दर जीवन बिताउने मौका प्राप्त गर्न प्रभुको आगमनलाई स्वागत गर्नु। यदि तपाईं आफ्नो परिवारसँग यो आशिष प्राप्त गर्न चाहनुहुन्छ भने, कृपया हामीलाई सम्पर्क गर्न बटन क्लिक गर्नुहोस्। हामी तपाईंलाई प्रभुको आगमनलाई स्वागत गर्ने बाटो फेला पार्न मद्दत गर्नेछौं।
अन्य प्रकारका भिडियोहरू
सेयर गर्नुहोस्
