१

परमेश्‍वरले हामीलाई अन्तर्दृष्टि दिनुहोस्, ताकि हामी सबैले उहाँको प्रेमिलो स्वभाव जान्न सकौँ, हाम्रा हृदयका गहिराइमा हाम्रो परमेश्‍वरलाई प्रेम गर्न सकौँ, अनि हाम्रा विभिन्न पदमा परमेश्‍वरप्रतिको हाम्रो प्रेम व्यक्त गर्न सकौँ; परमेश्‍वरले हामीलाई उहाँलाई निष्कपट प्रेम गर्ने कहिल्यै नबद्लिने हृदय प्रदान गर्नुहोस्—परमेश्‍वर यही आशा गर्नुहुन्छ। यो फोहोरको भूमिमा जन्मिएका हामीले ठूलो रातो अजिङ्गरको सतावट गहन रूपमा भोगेका छौँ, र तसर्थ हामीमा त्यसप्रति घृणा उत्पन्न भएको छ। त्यसले परमेश्‍वरलाई प्रेम गर्ने हाम्रो हृदयलाई बाधा दिन्छ र हाम्रो भविष्यका सम्भाव्यताहरूप्रतिको हाम्रो लोभलाई उक्साउँछ। त्यसले हामीलाई नकारात्मक हुन, परमेश्‍वरको प्रतिरोध गर्न परीक्षा गर्छ। ठूलो रातो अजिङ्गरले नै हामीलाई अहिलेसम्म बहकाएको छ, हामीलाई भ्रष्ट तुल्याएको छ, अनि तहसनहस पारेको छ, यतिसम्म कि हामी हाम्रो हृदयले परमेश्‍वरको प्रेम तिर्न असमर्थ छौँ र, हामीले परमेश्‍वरलाई हृदयमा प्रेम गर्न चाहे पनि, हाम्रा आफ्नै कार्य हाम्रो नियन्त्रणमा छैनन् र हामीसँग बिलकुलै तागत छैन।

२

यो फोहोरको भूमिमा जन्मिएका हामीले ठूलो रातो अजिङ्गरको सतावट गहन रूपमा भोगेका छौँ। हामी सबै जना त्यसका पीडितहरू हौँ। यसकारण, हामी त्यसलाई अत्यन्तै घृणा गर्छौँ, र परमेश्‍वरले त्यसलाई विनाश गर्नुहुने प्रतीक्षा मात्र गर्न सक्छौँ। हामीले परमेश्‍वरको इच्छा पछ्याउन—उहाँलाई प्रेम गर्न आफ्नो हृदय दृढ बनाउनैपर्छ। हामी हिँड्नुपर्ने मार्ग यही हो। हामीले आफ्नो जीवन यसरी नै बिताउनुपर्छ। हामीले परमेश्‍वरको इच्छा पछ्याउनुलाई आफ्नो लक्ष्य बनाउनैपर्छ, र एक अर्थपूर्ण, ज्योतिर्मय र ओजस्वी जीवन जिउनैपर्छ। त्यसरी, हामी कुनै पछुतोविना मर्न सक्नेछौँ—यसो गर्‍यौँ भने मात्रै हामीले हृदयमा सन्तुष्ट महसुस गर्नेछौँ। परमेश्‍वरले हामीलाई अन्तर्दृष्टि दिनुहोस्, ताकि हामी सबैले उहाँको प्रेमिलो स्वभाव जान्न सकौँ, हाम्रा हृदयका गहिराइमा हाम्रो परमेश्‍वरलाई प्रेम गर्न सकौँ, अनि हाम्रा विभिन्न पदमा परमेश्‍वरप्रतिको हाम्रो प्रेम व्यक्त गर्न सकौँ; परमेश्‍वरले हामीलाई उहाँलाई निष्कपट प्रेम गर्ने कहिल्यै नबद्लिने हृदय प्रदान गर्नुहोस्।

—वचन, खण्ड १। परमेश्‍वरको देखापराइ र काम। मार्ग … (२)