१

परमेश्‍वर आखिरी दिनहरूमा देहधारी हुनुभई यस संसारमा आउनुभएको छ।

उहाँले सत्यता बोलिरहनु र व्यक्त गरिरहनुभएको छ अनि मानिससामु देखा पर्नुभएको छ।

हामी उहाँको आवाज सुन्छौँ र उहाँसामु उठाइएका छौँ।

प्रभुसँगै भोजमा सहभागी हुन पाउँदा हामी साँच्चै आशिषित छौँ।

हे, प्रिय सर्वशक्तिमान् परमेश्‍वर! तपाईँका वचनहरू असीमित रूपमा प्रचुर छन्।

हामी हरदिन तपाईँको वचन खान्छौँ र पिउँछौँ, र कैयौँ सत्यता बुझ्न पुग्छौँ।

परमेश्‍वरका वचनहरूले दिशा र मार्ग औँल्याउँछन्,

त्यसैले हामी अस्पष्टतामा छामछुम गर्दैनौँ।

हाम्रो हृदय शान्त र असीमित रूपमा सन्तुष्ट हुन्छ,

र यो साँच्चै परमेश्‍वरको अनुग्रह र आशिष् हो।

हामी गाउँछौँ, नाच्छौँ, र सर्वशक्तिमान् परमेश्‍वरको प्रशंसा गर्छौँ।

हामीलाई व्यक्तिगत रूपमा मलजल र आपूर्ति गर्नुभएकोमा हामी परमेश्‍वरलाई धन्यवाद दिन्छौँ।

हाम्रो हृदयले परमेश्‍वरलाई प्रेम गर्छ र सर्वशक्तिमान् परमेश्‍वरको आराधना गर्छ।

हामी राज्यको सुसमाचार फैलाउँछौँ, र हामी सदैव परमेश्‍वरको गवाही दिनेछौँ।

२

परमेश्‍वरको न्याय र सजाय भोगेर, हामी आफैलाई चिन्न पुग्छौँ।

हर प्रकारका कष्ट र शोधन भोगेर, हाम्रो स्वभाव परिवर्तन हुन्छ।

हामीले परमेश्‍वरको धार्मिकता जान्दै र उहाँको सुन्दरता र असलपन देख्दै गर्दा,

हाम्रो हृदयले परमेश्‍वरको डर मान्छ र उहाँलाई झन् बढी प्रेम गर्छ।

हे, प्रिय सर्वशक्तिमान् परमेश्‍वर! तपाईँको न्यायले हामीलाई मुक्ति दिन्छ।

हामीले आफ्ना भ्रष्ट स्वभाव फालेका छौँ र तपाईँसामु समर्पित हुन सक्छौँ।

हामी इमानदार मानिस बन्न सत्यता अभ्यास गर्छौँ,

अनि व्यावहारिक र वास्तविक रूपमा आफ्ना कर्तव्य निर्वाह गर्छौँ।

हामीले परमेश्‍वरलाई प्रेम गर्न खोज्दै गर्दा हाम्रो हर्ष प्रचुर हुन्छ,

र हामीले सत्यता बुझ्दै गर्दा हाम्रो हृदय मिठासले भरिन्छ।

हामी गाउँछौँ, नाच्छौँ, र सर्वशक्तिमान् परमेश्‍वरको प्रशंसा गर्छौँ।

हामीलाई सत्यता र जीवन प्रदान गर्नुभएकोमा हामी परमेश्‍वरलाई धन्यवाद दिन्छौँ।

हाम्रो हृदयले परमेश्‍वरलाई प्रेम गर्छ र सर्वशक्तिमान् परमेश्‍वरको आराधना गर्छ।

आखिरी दिनहरूमा परमेश्‍वरको मुक्ति प्राप्त गर्नु निकै आशिषित कुरा हो।

—थुमालाई पछ्याउनुहोस् र नयाँ गीतहरू गाउनुहोस्