१

मण्डलीमा भेला हुनु निकै हर्षको कुरा हो।

हाम्रो हृदयमा भएको हर्ष शब्दहरूले वर्णन गर्न सक्दैनन्।

हर-दिन परमेश्‍वरका वचनहरू खाँदा र पिउँदा, हामी सत्यता बुझ्छौँ।

न्याय स्वीकार गरेर, हामी पखालिन्छौँ,

र हाम्रो हृदय शान्ति र हर्षले भरिन्छ।

हे परमेश्‍वर! हाम्रो कद सानो छ,

र त्यो भन्दा बढी, हाम्रो क्षमता कमजोर छ भन्ने तपाईँलाई थाहा छ।

कृपया मलाई अन्तर्दृष्टि र ज्योति दिनुहोस् ताकि मैले अझै बढी सत्यताहरू बुझ्न सकूँ।

म तपाईँलाई व्यावहारिक र वास्तविक रूपमा पछ्याउनेछु, र तपाईँको गवाही दिनेछु।

२

मानिसहरूले सत्यता बुझुन् र परमेश्‍वरलाई पछ्याउन

आफ्ना कर्तव्य पूरा गरुन् भनी परमेश्‍वर आशा गर्नुहुन्छ।

हामीले अझ बढी सत्यता बुझ्न अझ बढी परमेश्‍वरका वचनहरू पढ्नुपर्छ।

एउटै हृदय र मनले, हामी आफ्ना कर्तव्य पूरा गर्छौँ र परमेश्‍वरको सुसमाचार फैलाउँछौँ।

अनगिन्ती बाधा र अवरोधहरू भोग्दा,

परमेश्‍वरले नै हामीलाई मार्गदर्शन गर्नुहुन्छ, ताकि हामी आफ्नो गवाहीमा दृढ रहौँ।

हामी परमेश्‍वरको प्रेम तिर्न आफ्नो कर्तव्य पूरा गर्छौँ, र हामी उहाँलाई निराश पार्न सक्दैनौँ।

परमेश्‍वरको जरुरी अभिप्राय भनेको राज्यको सुसमाचार टाढा-टाढासम्म फैलाउनु हो।

३

महा-विपत्तिहरू आउने हुनाले, मार्गको अन्तिम खण्ड उजागर हुन्छ।

जोरदार गवाही दिँदा, हामीले परमेश्‍वरको अनुमोदन प्राप्त गर्छौँ।

बुद्धिमानले सत्यता पछ्याउनुपर्छ, र उप्रान्त अल्छे हुनुहुँदैन।

आफ्नो कर्तव्य राम्ररी पूरा गरौँ र शैतानलाई लज्जित तुल्याउन गवाही दिऊँ।

परमेश्‍वरको प्रशंसामा गरिने नयाँ नृत्य झन्-झन् हर्षपूर्ण बन्छ,

र परमेश्‍वरको प्रशंसामा गाइने गीतहरू पृथ्वीभर गुञ्जिन्छन्।

परमेश्‍वरको गवाही राम्ररी दिन, हामीले आफ्ना मेहनतलाई अझ सबल बनाउनुपर्छ।

हामीले पत्रुसको अनुकरण गर्नुपर्छ, मृत्युसम्मै समर्पित हुनुपर्छ,

र परमेश्‍वरलाई अत्यन्तै धेरै प्रेम गर्नुपर्छ!

—थुमालाई पछ्याउनुहोस् र नयाँ गीतहरू गाउनुहोस्