१

सर्वशक्तिमान् परमेश्‍वर मानिसको पुत्र हुनुहुन्छ जो देखा पर्नुभएको छ।

उहाँले सत्यता व्यक्त गर्नुहुन्छ र मानवजातिलाई मुक्ति दिनुहुन्छ।

हामी परमेश्‍वरको आवाज सुन्छौँ र उहाँसामु फर्किन्छौँ,

र उप्रान्त स्वर्गको राज्यको भोजमा सहभागी हुन्छौँ।

हामी सिंहासनको जीवित पानीद्वारा मलजल गरिएका र खुवाइएका छौँ,

र हाम्रा आत्मालाई आपूर्ति गरिन्छ र ती रमाउँछन्।

परमेश्‍वरको आमने-सामने आउनु साँच्चै हाम्रो कल्पनाबाहिरको कुरा हो।

हामी परमेश्‍वरका वचनहरू खान्छौँ र पिउँछौँ, सत्यता बुझ्छौँ,

र यस संसारको अन्धकार र दुष्टता स्पष्ट रूपमा देख्छौँ।

सर्वशक्तिमान् परमेश्‍वरलाई पछ्याउनु सबैभन्दा ठूलो आशिष् हो।

हामी आफूलाई परमेश्‍वरप्रति समर्पित गर्न सबथोक पन्छाउँछौँ।

२

परमेश्‍वरको न्याय र सजाय अनुभव गर्दा, हाम्रा भ्रष्ट स्वभाव पखालिन्छन्।

हामीले परमेश्‍वरको धार्मिकता र पवित्र जान्न थाल्छौँ,

र हामी परमेश्‍वरप्रतिको डर र आदरले भरिन्छौँ।

परमेश्‍वरको वचनले हामीलाई विजय गरेको र मुक्ति दिएको छ,

र सत्यता प्राप्त गर्दा, हामी परमेश्‍वरप्रतिको कृतज्ञताले भरिन्छौँ।

हामी परमेश्‍वरका अभिप्रायहरू पूरा गर्न आफ्ना कर्तव्य बफादारिका साथ निर्वाह गर्छौँ,

परमेश्‍वरको आज्ञा पूरा गर्छौँ, र परमेश्‍वरको अनुमोदन प्राप्त गर्छौँ।

आखिरी दिनहरूमा परमेश्‍वरको मुक्ति प्राप्त गर्न हामी कति सौभाग्यशाली छौँ,

र यो सबै परमेश्‍वरको अनुग्रह र आशिष् हो।

आज परमेश्‍वरलाई प्रेम गर्न सक्षम हुँदा, हाम्रो सन्तुष्टिको कुनै सीमा छैन।

हामी परमेश्‍वरलाई धन्यवाद र प्रशंसा अर्पण गर्छौँ।

३

शैतानले पागलझैँ हामीलाई दमन गर्छ र सताउँछ;

परमेश्‍वरले सङ्कष्टहरूमा हामीलाई साथ दिनुहुन्छ,

परमेश्‍वरको वचनले हामीलाई मार्गदर्शन गर्छ र आस्था दिन्छ,

र हामी उप्रान्त शैतानसामु भयभीत हुँदैनौँ।

परमेश्‍वरको वचन अख्तियार र शक्तिले भरिपूर्ण छ

अनि हामीलाई मृत्युको र पातालको बन्धनमाथि विजय हुन अगुवाइ गर्छ।

हाम्रो आस्थालाई सङ्कष्टहरूमार्फत सिद्ध पारिन्छ,

र हामी शैतानमाथि विजयी हुन्छौँ र जोरदार गवाही दिन्छौँ।

हामीले परमेश्‍वरको प्रेमको निकै आनन्द उठाएका छौँ,

र उहाँको गहन प्रेम चुकाउन आफ्नो सम्पूर्ण अस्तित्व अर्पण गर्छौँ।

हामी मृत्युसम्मै वफादार रहनेछौँ र परमेश्‍वरलाई अन्त्यसम्मै पछ्याउनेछौँ,

र हामी अनन्तकालका लागि परमेश्‍वरलाई प्रेम गर्नेछौँ र उहाँको गवाही दिनेछौँ।

—थुमालाई पछ्याउनुहोस् र नयाँ गीतहरू गाउनुहोस्