१

परमेश्‍वरको वचन पढ्दा, मेरो हृदय साँच्चै उज्यालो बन्छ,

र परमेश्‍वरको वचनमा, म उहाँलाई आमने-सामने भेट्छु।

उहाँका वचनहरूले मेरो विद्रोहीपन र भ्रष्टता खुलासा गर्छन्,

र निष्कपट रूपमा अर्ती दिँदै, मलाई आफैलाई आचरणमा ढाल्न र कार्य गर्न सिकाउँछन्।

सर्वशक्तिमान् परमेश्‍वर कति प्रेमिलो हुनुहुन्छ

भनेर शब्दहरूले वर्णन गर्न सक्दैनन् न त गीतहरूले नै व्यक्त गर्न सक्छन्।

मानिससँग जिउनुहुँदा, उहाँ सबै कुरामा हामीले पछ्याउने उदाहरण बन्नुहुन्छ।

परमेश्‍वरको हृदय साँच्चै सुन्दर र असल छ,

र उहाँको प्रेम निकै व्यावहारिक छ।

उहाँ जे हुनुहुन्छ र उहाँसँग जे छ त्यो साँच्चै बहुमूल्य छ।

२

परमेश्‍वरका वचनहरूको न्याय अनुभव गर्दा, मैले सत्यता बुझेको छु।

सङ्कष्ट र शोधन अनुभव गरेर, मैले परमेश्‍वरको प्रेमिलो स्वभाव देखेको छु।

कष्टको मेरो अनुभवले मभित्रको धेरै विद्रोहीपन प्रकाश गरेको छ,

र परमेश्‍वरका वचनहरू पढेर, मैले आफूलाई चिनेको छु।

उहाँको वचन कडा भए पनि, उहाँको हृदय सबैभन्दा दयालु छ,

र उहाँको एउटै लक्ष्य मानिसको मुक्ति हो।

परमेश्‍वर मानिस उहाँकहाँ फर्किने उत्कट चाहना राखेर प्रतीक्षा गर्नुहुन्छ।

मैले परमेश्‍वरका अभिप्रायहरू बुझेको छु,

र म अब उप्रान्त नकारात्मक वा पछि हटिरहेको छैनँ।

म केवल आफ्नो कर्तव्य पूरा गर्न र

सबथोक परमेश्‍वरका योजनाबद्ध कार्यहरूमा छोड्न चाहन्छु।

३

परमेश्‍वरको वचन आजको दिनसम्म मेरो छेउमै रहेको छ,

र उहाँको वचनको न्याय र खुलासाले मलाई मेरो दैनिक जीवनमा साथ दिन्छन्।

पीडादायी शोधनले मेरो भ्रष्टता पखाल्छ,

अनि परीक्षा र सङ्कष्टले परमेश्‍वरप्रतिको मेरो प्रेम शुद्ध गर्छ।

परमेश्‍वरको काम अनुभव गर्दा,

मैले तिक्तता र मिठास दुवै चाखेको छु।

म मानव रूपमा जिउँछु, र यो परमेश्‍वरको महान् मुक्ति हो।

मेरो हृदयका सबै कुरा म भन्न सक्दिनँ।

परमेश्‍वरको प्रेमबारे म भनी सक्काउन सक्दिनँ।

म स्वभाव परिवर्तन पछ्याउँछु र सदैव परमेश्‍वरलाई प्रेम गर्नेछु।

—थुमालाई पछ्याउनुहोस् र नयाँ गीतहरू गाउनुहोस्