१

मैले परमेश्‍वरको आवाज सुनेको छु र म परमेश्‍वरसामु उठाई लगिएको छु।

मेरो लामो समयदेखिको आशा साँचो भएको छ, र मेरो हृदय उत्साहले भरिएको छ।

म परमेश्‍वरको वचन खान्छु, पिउँछु र तिनको आनन्द उठाउँछु, र मण्डली जीवन जिउँछु।

म धेरै सत्यताहरू बुझ्न पुग्छु, र मेरो हृदय साँच्चै उज्यालो भएको छ।

परमेश्‍वरको वचनले मेरा अभिप्रायहरूको खुलासा गऱ्यो;

मैले केवल आशिष्‌हरू पाउन परमेश्‍वरमा विश्‍वास गरेँ।

म परमेश्‍वरसँग सम्झौता गर्न आफ्नो कर्तव्य निर्वाह गरिरहेको थिएँ!

ममा कुन हिसाबले विवेक वा समझ थियो र?

मैले आफ्नो भ्रष्टताको तथ्य देखेँ र मसँग कुनै मानव रूप छैन भन्ने देखेँ।

परमेश्‍वरको वचनको खुलासा र न्यायले मलाई पछुतोले भरिदियो।

२

परमेश्‍वरको वचनको न्याय भोगेर मात्र म परिवर्तित भएको हुँ।

म उप्रान्त आफ्नो शैतानी स्वभावले बाँधिएको छैनँ, र म साँच्चै स्वतन्त्र छु।

परमेश्‍वरको न्याय र सजायले मलाई मुक्ति दिएको छ

र मलाई परमेश्‍वरसामु जिउने तुल्याएको छ।

म सत्यताअनुरूप बोल्छु र कार्य गर्छु र मानव रूपमा जिउँछु।

परमेश्‍वरले व्यक्त गर्नुभएका सबै सत्यताले मलाई पखालेका र मुक्ति दिएका छन्।

म परमेश्‍वरको धार्मिकता र पवित्रता देख्छु, र परमेश्‍वरलाई प्रेम गर्ने हृदय विकास गर्छु।

म आफ्नो निष्कपट हृदय परमेश्‍वरलाई दिन्छु,

र परमेश्‍वरको गवाही दिन आफ्नो कर्तव्य राम्ररी निर्वाह गर्छु।

म सर्वशक्तिमान् परमेश्‍वरलाई धन्यवाद दिन्छु र प्रशंसा गर्छु अनि सदैव उहाँको आराधना गर्नेछु!

—थुमालाई पछ्याउनुहोस् र नयाँ गीतहरू गाउनुहोस्