सम्पूर्ण विश्‍वमा विपत्तिहरू फैलिरहेको अवस्थामा, प्रभुका विश्‍वासीहरू प्रभु येशू बादलको सवारीमा आउनुहुनेछ र तिनीहरूलाई आकाशमा उहाँलाई भेट्न लैजानुहुन्छ र तिनीहरू विपत्तिहरूबाट उम्कनेछन् भनेर उत्कटताको साथ प्रतीक्षा गरिरहेका छन्। तैपनि, तिनीहरूले अझै पनि प्रभु येशू बादलको सवारीमा आउनुभएको देखेका छैनन्, बरु, पूर्वीय ज्योतिले लगातार उहाँ देहधारी सर्वशक्तिमान्‌ परमेश्‍वरको रूपमा फर्केर आइसक्नुभएको छ, र मानिसलाई शुद्ध पार्न र पूर्ण मुक्ति दिन सत्यताहरू व्यक्त गर्दै आखिरी दिनहरूको न्यायको काम गरिरहनुभएको भनी गवाही दिइरहेको देख्छन्। धेरै मानिसहरूको लागि यो अचम्‍मको कुरा हो। तिनीहरूले विचार गर्छन्, “प्रभुले विश्‍वासीहरूलाई सुरुमा माथि आकाशमा लैजानुपर्ने हो। हामीलाई सुरुमा विपत्तिहरूबाट बचाउनु महत्त्वपूर्ण कुरा हो। परमेश्‍वरले किन आखिरी दिनहरूमा न्यायको काम गर्न सत्यताहरू व्यक्त गर्नुहुन्छ? हामी सबैलाई हाम्रो पापबाट क्षमा गरिएको छ र परमेश्‍वरले हामीलाई धर्मी ठान्‍नुहुन्छ, त्यसकारण परमेश्‍वरको न्यायको के आवश्यकता छ र?” धेरैजसो मानिसहरूले आखिरी दिनहरूमा, परमेश्‍वरको न्यायले अविश्‍वासीहरूलाई निसाना बनाउनेछ, न्याय भनेको दण्ड-आज्ञा र विनाश हो, र पापक्षमा पाएका हामीले न्यायको सामना गर्नुपर्दैन भन्‍ने विश्‍वास गर्छन्। त्यसोभए, परमेश्‍वरले मानवजातिलाई गर्नुहुने न्याय शुद्धीकरण र मुक्तिको लागि हो कि दण्ड-आज्ञा र विनाशको लागि हो? साँचो विश्‍वासको खोजीको यो भागले तपाईंलाई सत्यताको खोजी गर्न र परमेश्‍वरको देखा-पराइ र कार्यलाई जान्‍न अगुवाइ गर्नेछ।